Inkukhu zifuna ukunakekelwa ngesikhathi somqando

20 Jun, 2024 - 00:06 0 Views
Inkukhu zifuna  ukunakekelwa  ngesikhathi somqando

uMthunywa

Langelihle Moyo

INKAMPANI yeHamara ethengisa inkukhu isikhuthaze abalimi abafuya inkukhu ukuba bazinakekele ngoba bengalahlekelwa yinzuzo nxa bengazinakekelanga ngendlela ikakhulu ngesikhathi somqando esiphakathi kwaso.

UNkosikazi Pretty Matiwaza osebenza enkampanini le, uthe inkukhu zingangenwa ngumqando zilakho ukufa zonke. Isilugu sihle sivalwe.

“Inkukhu zilendlela yazo zodwa yokuzikhudumeza ngesikhathi somqando kodwa umlimi laye kumele abone ukuthi inkukhu zakhe azingenwa ngumqando. 

“Amatsiyane kawenelisi ukuzivikela emqandweni yikho ephangisa ukufa njalo inkukhu ziyabe zifuna ukuncediswa ukutshintsha ukutshisa komzimba ukuze zingabulawa ngumqando,” kutsho uNkkz Matiwaza.

Uthe umlimi ulakho ukunika inkukhu zakhe amaphilisi ama-stress pack ukuvikela ukufa lokhu.

“Umlimi angakwenza yikunika inkukhu zakhe amaphilisi ama-stress pack ngoba inkukhu zilakho ukukhathazeka ikakhulu ekuseni lantambama nxa kugodola, kukanti emini kuyabe kutshisa lokhu kwenza ezinye inkukhu zicine zisifa. Ukuzipha amaphilisi la kuvikela ukufa kwenkukhu.

“Okunye njalo umlimi ukhuthazwa ukuba abone ukuthi isilugu sakhe siyakhudumala ngazo zonke izikhathi ngokuthenga amalayithi ama-infra-red lights ukuze inkukhu zihlaliseke esilugwini. Esilugwini umlimi kumele ahlale efake utshani phansi ukuze inkukhu zakhe zingangenwa ngumqando zicine zisifa,” kuphetha uNkkz Matiwaza.

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds