Uncategorized

INkosi yeSwatini izavula iTrade Fair

27 Apr, 2023 - 00:04 0 Views
INkosi yeSwatini izavula iTrade Fair INkosi uMswati III weSwatini exoxa loMphathintambo uFrederick Shava loOppah Muchinguri-Kashiri ngesikhathi efika elizweni leZimbabwe ngoLwesibili

uMthunywa

YiNtatheli kaMthunywa

UMBUKISO wamabhizimusi oweZimbabwe International Trade Fair (ZITF) walonyaka uzavulwa ngokusemthethweni yiNkosi uMswati III weSwatini ngoLwesihlanu.

Lo kuzabe kungumbukiso wehlandla lesi-63.

Inkundla yokuxhumana kwamabhizimusi le ihlanganise amankampani avela emazweni abalisa  iBotswana, Malawi, Mozambique, South Africa, Zambia, Angola, Kenya, Nigeria, Tanzania, Belarus, France, Germany, Iran, Italy; Japan, the Netherlands, Sweden, United Arab Emirates, United Kingdom, China leMelika.

UMgcinisihlalo weZITF uBusisa Moyo wazise ukuba lonyaka kulamankampani edlula ikhulu atshengisa impahla zawo okwakuqala kulumbukiso.

Uveze njalo ukuthi umbukiso uzavulwa yiNkosi yeSwatini.

“Umbukiso uvulwa ngoLwesihlanu lapho esizakuba leNgwenyama yeSwatini iNkosi uMswati III.”

Uthe indikimba yombukiso igxile ekwakheni lokudinga amaqhinga amatsha okuvuselela umkhonomi.

“Umbukiso walonyaka umkhulu. Sitsho njalo ngoba kulamankampani amanengi abukisayo ukwedlula ngomnyaka odluleyo,” kutsho uMnu Moyo ngoLwesibili emini.

Uthe phakathi kombukiso, okuzahamba phambili ngumhlangano wamabhizimusi ozaqhutshwa ngoLwesithathu.

Umhlangano lo kubikwa uzavulwa nguMsekeli kaMongameli welizwe uConstantino Chiwenga.

“Lonyaka kulembukiso lokuphatheka kwaphezulu kwamanyuvesi lezinye ingatsha zemfundo ezihlose ukubambelela kwezokuthuthukisa umkhonomi wakuleli.”

Kusenjalo, uMnu Moyo uchaze ukuba sebeyehlise intengo yokungena eZITF.

“Silalele izikhalazo zikazulu, sehlisa intengo yokungena. Abadala bazabhadala iUS$5 abantwana US$3.

“Sinxusa bonke abantu bakoBulawayo ukuthi baze ngobunengi babo ngoba sibaphathele konke okumnandi, okuzaba thokozisa,” kutsho uMoyo.

Njengenjwayelo, iZITF ibike ukuba umphakathi  uzavulelwa amagedi ngoLwesihlanu langoMgqibelo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds