Uncategorized

Injabulo sokuzahlolwa imithi yesintu

24 Sep, 2020 - 00:09 0 Views
Injabulo sokuzahlolwa imithi yesintu Yinjabulo yodwa kulabo ababona ngezemithi yesintu nanko phela inhlanganiso ye World Health Organisation isivumile ukuthi imithi yesintu ihlolwe ukuba iyasebenza na ekwelapheni iCovid-19

uMthunywa

Inhlanganiso yezempilakahle emhlabeni, iWorld Health Organisation (WHO), ngempelasonto ikuvumele ukuthi imithi yesintu ihlolwe ukuthi iphephile yini ukuthi isetshenziswe ukwelapha iCovid-19.

UMongameli weKwaZulu Natal Traditional Healers Association, uMnumzana Sazi Mhlongo uthe: “IsiZulu sithi elempofana libonwa kamuva. Sasivele sitshilo ukuthi imithi yesintu efana lomhlonyane iyawelapha umkhuhlane futhi siyakholwa ukuthi lawo lumkhuhlane iyawelapha, kwazitshwa, kwakhulunywa ngokuthi kumele kube locwaningo kodwa lalo lolo cwaningo lwangenziwa. Ngesikhathi sikutsho lokhu leli gcikwane lalisagxile kakhulu phetsheya, laze lafika lakuleli labulala.

“Ngabe bekusetshenziswa imithi yesintu ngabe bambalwa abatshonileyo. Abelaphi bendabuko bayazi ukuthi imithi yesintu ihlanganiswa njani ukuze kwelatshwe imikhuhlane,” kusho yena.

Uqhubekele phambili wathi uyajabula ukuthi ekucineni iWHO isize yakuvumela ukuthi imithi yesintu ihlolwe.

“Uma isihloliwe leyo mithi kwatholakala ukuthi iyasebenza eminye yakhona ingahle iphenduke kithi ngoba ngeyethu. Thina siyisebenzisa ngendlela yethu yase-Afrika. Besivele siyisebenzisa futhi sizaqhubeka,” kutsho yena

USolwazi Nceba Gqaleni weDurban University of Technology oyingcitshi kwezemithi yesintu, uthe inyathelo leWHO lihle, sizaphendla indlela yokuthi imithi yesintu ihlolwe kusetshenziswa imigudu ekhona ukuze kuphenduleke imibuzo ebisiba khona mayelana layo.

USolwazi Mahmoud Soliman ongusokhemisi futhi owenza ucwaningo ngemithi yesintu e-UKZN, uthe kuyinto enhle ukuthi imithi yesintu yaziwe emhlabeni wonke.

“Asidingi ukuvunyelwa ukuthi sihlole imithi yesintu, esikudingayo yikuthi kwaziwe ukuthi layo ingaba yisixazululo sokulwa lezifo. Uma lokho sekusaziwa, kuzoba lula ukuthi kufakwe imali uma imithi le isihlolwa,” kuphetha USoliman.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds