Uncategorized

Injabulo iphenduka usizi…ekhitshwa isiwiji emlonyeni ku-Durban Marathon

12 May, 2022 - 00:05 0 Views
Injabulo iphenduka usizi…ekhitshwa isiwiji emlonyeni ku-Durban Marathon Isaac Mpofu

uMthunywa

BAZONDE bagane unwabu abaphathi bomdlalo wokugijima kuleli kulandela ukuthathelwa isicoco kuka Isaac Mpofu kumjaho we-Durban Marathon.

UMpofu ogijimela iNedbank Running Club, ubetshaye intambo ngesikhathi se-02.10.24 sec, kumjaho lo oyi-42km.

UJulian Joseph obengunompembe kulumjaho obuseMoses Mabhida Stadium ngempelaviki, wazise intatheli ukuthi uMpofu uphucwe isicoco sakhe segolide ngenxa yokutshaya intambo egqoke i-licence eyodwa.

Ngokomthetho womjaho lo, i-licence le kumele ibe idindwe phambili langemuva kwesikipa somgijimi.

“Ngokomthetho wezokugijima, umgijimi kumele agqoke ama-licence amabili, ngaphambili langemuva.

Nxa ungafika emaphethelweni omjaho ugqoke eyodwa uthathwa njengongawugijimanga umjaho.

Lakimi kubuhlungu ukuthi siyamphuca ilungelo lokunqoba umjaho.

Kodwa-ke umthetho ngumthetho,” kutsho uJoseph.

Unompembe lo ubuye waveza ukuthi kuphindwe kwaphucwa loBusisiwe Chamane isicoco sethusi ebangeni le-10km.

UJoseph uveze ukuthi uChamane uphule umthetho ofanayo.

Indawo yokuqala kwabesilisa, ku-42km inikezwe uTumelo Motlagale obeqede engowesibili (2.11.15 sec)
Nguye ohambe lesaka lemali ye-R50 000.

Ngesikhathi aqede ngaso iDurban Marathon, uMpofu ubevunyelwa ukuthi ayencintisa kumjaho wama-World Championship ozabe use-Oregon lonyaka.

Kulandela usizi oluvelele uMpofu, inhlanganiso yeNational Athletics Association of Zimbabwe ibikele iphephandaba likazulu ukuba isajulisisa ngokwenzakeleyo kodwa isifiso sayo yikuthi umgijimi lo ayefinyelela kuma-World Championship.

UBenson Chauke, ongumphathi wabaqeqetshi bemango emide kuNaaz, wazise ukuba bazaqhubeka belwisa isinqumo sokuvalelwa kukaMpofu.

“Satshela unompembe ukuthi uMpofu kalayo i-license le yangemuva, kodwa wavunyelwa ukuthi aqhubeke ngokuncintisa.

Sesiqalile ukukhonona ngalokhu.

Lenhlanganiso yethu ikuzwile,” kutsho uChauke ekhuluma eseHarare ngoLwesibili emini.

Uthe okwamanje angeke bakhulume okunengi ngoba loludaba luphethwe yinhlanganiso yeNaaz, abaphathi be-Durban Marathon lenhlanganiso yeWorld Athletics.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds