Uncategorized

Inina khithi phansi ngokhomane

25 May, 2023 - 00:05 0 Views
Inina khithi phansi ngokhomane

uMthunywa

Thokozile Mbedzi

KUDABA olusegudwini esigabeni seGokwe esiqintini sakoChireya kulenina okubikwa lithe khithi  phansi ngokhomane abantu bazibonela ngawabo amehlo.

Inina leli esigodle igama lalo kubikwa likhithike ngezikhathi zekuseni ngokhomane okunakanelwa ukuba belindiza ngalo abantu bekhangele, uMthunywa ukuzwile lokhu.

Kubikwa izakhamizi zithe zibona insindabaphenduli le zagcwala zisiyabona isimanga lesi.

Ekhuluma lentatheli kaMthunywa induna uChiya Chireya uthe kulenina elimangalise izakhamizi zakoChireya kulandela ukuthi khithi phansi lindiza ngokhomane.

“Inina liwe ngezikhathi zekuseni ngokhomane okunakanelwa belilusebenzisa kumsebenzi wobukhunkuli ebusuku. Inina leli liwele phambi kwemizi yabantu.

“Abantu bathe bebona imbedumehlwana le, bahle baphanga bazongibikela ukuthi kulenina eliwe ngokhomane phambi kwemizi yabantu.

“Udaba lolu luzangena enkundleni ngeSonto yikho lapho esikhangelele ukuthi sizwe ukuba bekuhamba njani,” kuchasisa induna uChireya.

“Njengenkundla siyazi ukuthi kwesinye isikhathi abantu laba abagangayo bathi bedlula phezu kwemizi yabantu bakhulelwe basindwe okuyikho okubangela ukuthi bawe. Lezinsuku abantu basebenzisa indlela ezehlukeneyo zokuqinisa imizi yabo.

“Izehlakalo ezinje ziyatholakala kodwa abantu bayabe bengakuzwisisi ngoba abaNsundu abanye bengazi ukuthi ngokwesiko abantu balakho ezimulini zabo.

“Udaba lolu luzahlaziywa kuhle edale ngeSonto ukuze sithole indlela yokuba ubesiya ngaphi njalo ehloseni emulini lezo,” kuphetha induna uChireya.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds