Fungai Muderere
UMKHOKHELI weBulawayo Province Pool Association (BPPA) uWilson Mudhari wamukele amaqembu e-Fast Cash, Expendables, Mazai, leSizinda kuPremier League ngaphambi kokuqala kwesizini ka-2025.
I-BPPA iqhube umhlangano wayo womnyaka (AGM) ngoMgqibelo eQueens Sports Club, lapho unobhala jikelele walinhlangano, uNorman Muzvidziwa lomphathi wesikhwama semali uTafadzwa Muguyo abethule khona imbiko yabo.
“Amaqembu e-Fast Cash, Expendables leMazai aphumelele ngokunqoba athola ukukhutshulelwa kuligi yesabelo. Ngithi amhlophe. Ngokunjalo iSkittle Inn, Black Eagles, ZPC, leLobengula Sharks ikhitshiwe. Sibafisela okuhle,” kutsho uMudhari.
Ukuze zithole indawo kuligi ephezulu, i-Fast Cash, Expendables, le-Mazai zakhulela amanye amaqembu kumaligi angaphansi kwesigaba zeMzilikazi, Central Business District (CBD) leReigate.
Ekhuluma ngesizini edluleyo, uMudhari uthe: “Iligi yaqala ingumncintiswano wenkomo lapho okwancintisa khona amaqembu angu-15.
“Bekuyisizini ethokozisayo eyayilomqhudelwano osezingeni eliphezulu.”
IQueens Pool Club yetheswe umqhele wokuba yintshantshu yePremier League ngo-2024.ngazange inqotshwe.
Abadlali bepool
Iqembu Ntumbane Pool leleNkulumane aqede endaweni yokuqala leyesibili ngokulandelana kwawo, kwathi iDragons Pool Club iqede ikunombolo yesine.
Kusenjalo, inhlanganiso yeMzilikazi District League Pool Association iqhube umhlangano wayo we-AGM ngeSonto eNkulumane’s Chillers Sports Bar, lapho okukhethwe khona uSengamo Khumalo njengonobhala jikelele omutsha ethatha indawo kaHandsome Ncube.
UKhumalo uthe imidlalo yeligi izaqala mhlaka 22 Nhlolanja.
