uMthunywa
ORLANDO Pirates isidlulele esigabeni sokucina kusigaba samaqoqo kumqhudelwano weCaf Confederation Cup, ingazange ilithinte ibhola ngemuva kophuma kweqembu le-GD Segrada Esparanca yase-Angola.
Izindaba zokuthi awusekho umdlalo womlenze wesibili obekumele ube ngoLwesithathu kuleli, phakathi kwamaqembu la ziqinisekiswe yiPirates ekhiphe umbiko kuliviki.
EZimnyama bezihamba phambili ngo 1-0 ngemuva kokunqoba umlenze wokuqala kumaviki adluleyo.
Umbiko wePirates uveze ukuthi yaziswe yiCaf ukuthi i-Esparanca isicabange ukwekela ukuqhubeka kulumqhudelwano.
“Mayelana lokuhlelwa komdlalo we-Orlando Pirates leGD Segrada Esperanca wesibili weTotal Caf Confederation ka-2020/21, siyalazisa ukuthi iqembu leGD Segrada Esperanca seliphumule emqhudelwaneni. Ngakho siyalazisa ukuthi i-Orlando Pirates isidlulele phambili,” iPirates ibhale kanje isethula umyalezo ewuthole uvela kuCaf.
IPirates isizobalwa lamaqembu angu-16 asele kuConfederation Cup, kusigaba esilandelayo azoqhathwa lamanye angu-16 azobe ehluliwe kuCaf Champions League. Kubikwa amaqembu la azabuthaniswa mhlaka 17 kuZibandlela.
