Indlela zokuvikela ukutshontshwa kwezifuyo

08 Dec, 2022 - 00:12 0 Views
Indlela zokuvikela ukutshontshwa kwezifuyo Izifuyo

uMthunywa

YiNtatheli kaMthunywa
ABALIMI abanengi ngesikhathi sezulu bandise ukuxotshela inkomo zabo egangeni besenzela ukuthi zingaze zangena emasimini abantu. Ngesikhathi zisegangeni akuvamanga ukuthi kube lomuntu ozilindayo okwenza ingozi yokutshontshwa kwazo ibe phezulu. Nanku ongakwenza ukuze uvikele izifuyo zakho ngalesi isikhathi:

a)    Abanikazi bezifuyo kufanele babone ukuba izifuyo zabo kuhlala kulomuntu ozikhangeleyo. Nxa kuyikuthi ulepulazi yenza ama-paddocks enkomo zakho ubone ukuthi uthango luhlala lusesimeni esifaneleyo ukuze uvikele izifuyo ekutshontshweni.

b. Faka ama-loading ramps khatshana. Kumele zigcinwe zivalelwe ngaso sonke isikhathi izifuyo.

c. Izifuyo kumele zibalwe nsuku zonke. Loba ungakhangelisisa phakathi kwenyanga egcweleyo, ngempelaviki loba kuqala inyanga.

d) Nxa izisebenzi zakho zilezifuyo zazo, indlela yokuvikela ukwebiwa kwezifuyo yikuvumela ukuthi zihlangane zidle ndawonye.

e) Bika nxa kulezifuyo ezingaziwayo phakathi kwezifuyo zakho ngokuphangisa emapholiseni lakubomakhelwane bakho.

f) Abanikazi bezifuyo kufanele ngaso sonke isikhathi babike amacala okutshontshwa kwezifuyo  ngokuphangisa, nxa ungaphuza ukwenza lokhu kwenza kubenzima lokuthi amasela   abanjwe.

g) Ungakaqhatshi isisebenzi esitsha dingisisa ngalapho esasiqhatshwe khona uzwe lesizatho sangempela sokuthi kungani umsebenzi waphela.

h) Hlala ukhumbuza izisebenzi zakho ukuthi zinanzelele lokho ezikukhuluma phambi kwabantu abangabaziyo mayelana ngokwenzakala epulazini. Ukukhuluma unganaki kulakho ukubangela ukutshontshwa kwezifuyo.

i) Kuyadingakala ukuthi kube le-register epheleleyo yezifuyo. Bhala yonke into ngokwenzekalayo kuzifuyo zakho.

j.) Ungavumeli abantu abangena epulazini lakho baqale ukuzulazula loba njengesigaba nanzelelani abantu abatsha esigabeni senu, dingisisani ukuthi bahlala ngaphi, balandeni ukuze livikele izifuyo zenu.

k) Bambisana lamapholisa endawo futhi sekela imizamo yabo yokukusiza.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds