Indlela zokuvikela ama-sasso lama-broiler emikhuhlaneni

25 Nov, 2021 - 00:11 0 Views
Indlela zokuvikela ama-sasso lama-broiler emikhuhlaneni

uMthunywa

Listen Ndlovu
ABAFUYI benkukhu sebexwayiswe ukuba banakekele inkukhu zabo zomhlobo wama-sasso lama-broiler ukuze zingabanjwa yimikhuhlane ngoba kungabangela ukuthi zingakhuli kuhle loba ukuthi zicine zisifa.

UMnumzana Mandlenkosi Tshabangu osebenza kunkampani yeFarm and City koBulawayo ulimukise abafuye inkukhu zomhlobo wama-sasso lama-broiler ukuba zivame ukuhlaselwa yimikhuhlane efanayo edala ukuba zife kumbe zingakhuli kahle.

Uthe imikhuhlane evame ukuhlasela inkukhu ibalisa iCoccidiosis, Newcastle kanye le E-coli.

“Imkhuhlane ebalisa i-Coccidiosis, Newcastle le-E-coli yelatshwa ngendlela ezitshiyeneyo. I-Coccidiosis ibangelwa yizibungwana ezibizwa ngokuthi ngama-protozoan parasites eziyabe zisesilugwini kumbe egcekeni epulazini.

“Umkhuhlane lo welatshwa ngokusebenzisa imithi ele-sulphur egoqela i-ESB3, Sulphudimidine kanye le Astrisul.

Nxa umlimi esebenzisa i-Astrisul ufaka 1g kusiya ku-2g yomuthi ahlanganise le 5 litres yamanzi azanathwa zinkukhu okwamalanga amahlanu kumbe iviki,” kuchasisa uMnu Tshabangu.

Uqhubekele phambili esithi kuqakathekile ukuthi ngesikhathi inkukhu ziphiwa lumuthi kufakwe amanzi ahlanzekileyo nsuku zonke.

“Nxa inkukhu zinikwa iESB3 kumele kufakwe isilinganiso samanzini angaba yi-15 litres ngosuku ngosuku okwensuku ezintathu,” kuxwayisa uMnu Tshabangu.

Uqhubekele phambili uMnu Tshabangu esithi umkhuhlane we-Newcastle ubangelwa ligcikwane le-para-myxo virus njalo welatshwa kusetshenziswa umuthi okuthiwa yi-ND Clone 30. Uthe kuncibilikiswa lumuthi ku-Intervert

Diluent Oculo/Nasal ubusuthontiselwa emehlweni enkukhu ngesilinganiso se-30ml. Kuthontiselwa “Umkhuhlane we-E-coli wona inkukhu ziwuthola zingadla ukudla okungcolileyo zibuye zinathe lamanzi angcolileyo.

Abalimisi bayenelisa ukusebenzisa ichena ekwelapheni umkhuhlane lo.

“Umlimi uyagxoba ichena alihlanganise lamanzi kuze kunembuluke besekuphiwa inkukhu zinathe,” kutsho uMnu Tshabangu.

Uphethe ngokuthi abalimi kumele bahlale betshintsha utshani loba lokho abakwendlala phansi ezilugwini zabo njalo baqinisekise ukuthi inkukhu ziyathola imithi yokuvikela imikhuhlane eqondileyo,” kuphetha uMnu Tshabangu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds