Indlela zokuphatha isivande ngesikhathi sezulu

09 Dec, 2021 - 00:12 0 Views
Indlela zokuphatha isivande ngesikhathi sezulu

uMthunywa

YiNtatheli kaMthunywa

1.Ukungena kuhle kwamanzi – Khweza isivande sakho ngokulima emibhedeni ephakanyisiweyo loba emadundulwini okuzakwenqabela ukuma kwamanzi okuzenza impande zitshone kuwo.

Hlanyela emagabheni njalo usebenzise indlela eyaphezulu ukuze wenelise ukuwathwala uyebeka ngaphansi komthunzi.

2. Gebha umgelo – Kulokuthi udlalise amanzi ezulu nxa lisina kakhulu uphinde ubhadalele amanzi nxa sokomile, vuna amanzi ngokwenza umgelo ozawasa lapho ofuna khona.

Ngokwenza umgelo kwenza amanzi angene phansi. Kubalula njalo ukuvuna amanzi ezithelo ezifana lama-banana lezinye ezingahlanyelwa emadundulwini.

3. Faka umquba – Ukuba lesimo somhlabathi esihle kuyaphathisa ukuthi ubumanzi obungafunakaliyo behle. Umquba omnengi uyagcina ubumanzi njengesipontshi.

Kubalulekile ukufaka njalo amahlamvu abolileyo, utshani, umquba we-compost kanye lamahlanga ezilimo emhlabathini oyisidaka lapho okuma khona amanzi ocina udabuka nxa usuwomile.

4. Faka amahlanga – Ukufaka amahlanga loba utshani kuyaphathisa ngoba kwenza ubumanzi bugcinakale emhlabathini.

Enye inzuzo yikuthi kuyehlisa ukuchaphaka kwamanzi okubangela imikhuhlane ezilinyweni njalo kuyenqabela ukugugudeka komhlabathi ngokufaka ingubo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds