Bhekimpilo Tshalibe
INGCITSHI kwezokufuya sezixwayise abalimi abagcina inkomo zochago ukuthi benze i-artificial colostrum ngoba iyancedisa nxa inkomo ingehlisi uchago olunengi.
UMnumzana Cosmas Muzunde onguDairy Officer esabelweni seMatabeleland North ukhuthaze abalimi ukuthi benze i-artificial colostrum ukuze benike amathole abo nxa onina bengayehlisi uchago. Uthe sekungenzekala ukuthi inkomo ife isanda kuzala njalo ithole liyabe lifuna i-colostrum.
“Sekungenzekala ukuthi inkomo ife isanda kuzala kumbe ingehlisi uchago (colostrum) njalo sikhuthaza abalimi ukuthi benze i-artificial colostrum ukuze benike amathole asanda kuzalwa ngoba iqakathekile emzimbeni wethole.
“Nxa usenza i-artificial colostrum uyahlanganisa i 25ml ye-castor oil, le-1,5 litres yamanzi, lamaqanda angu-5 kanye le 75g ze-dextrone powder njalo lokhu kuyakhipha i-artificial colestrum eyi 3 litres,” kutsho uMnu Muzunde.
Uqhubekele phambili esithi ithole mele liphiwe i-artificial colostrum okwamalanga amahlanu lingakaphiwa okunye ukudla.
“Ithole kumele liphiwe i-colostrum kusukela lizalwa lize libe lamaviki amahlanu liphiwa uchago kuphela lingakaphiwa okunye ukudla.
“Ngemva kwamaviki amahlanu abalimi sebengaqalisa ukuyipha ama-supplement angaba yi-1,5kg ngelanga,” kuphetha uMnu Muzunde.
