uMthunywa
NGAPHANSI kulandela imicijo engakuphathisa ukuthi amathuluzi epulazini lakho ahlale isikhathi engafanga:
1. Gcwalisa amatanka — nxa kungatshisa kuba lamanzi abakhona phakathi kwamatanka akho. Hlala ugcwalise amathanka akho amafutha emota kanye lamanye nje ukuze wenqabele udubo lolu.
2. Hlala ufake amafutha — Khangela ibhuku lokusetshenziswa komtshina wakho ubusufaka amafutha ngendlela okuthiwa uwafake. Nxa kungamathuluzi ensimini faka i-grease kundawo ezingapendwanga ukuze uwavikele.
3. Lungisa lapho okungabe konakele khona — Lungisa lapho okungabe konakele khona kusigaba sokulima esedluleyo. Lokhu kwenza ubelesiqinisekiso sokuthi amathuluzi akho awaphazamiseki esiya phambili kumbe abe le-rust ngesikhathi sebusika.
4. Phatha kuhle amathuluzi akho ahlale ehlanzekile — Khipha uthuli kanye lenhlabathi kumathuluzi akho. Tshintsha amafutha kanye lamanzi kumitshina yakho uphinde ukhangele umoya emavilini akho ngasikhathi sonke. Khipha i-battery uligcine endaweni eyomileyo.
5. Gcina amathuluzi endaweni elungileyo — kumele ugcine impahla yakho yokulima endaweni elophahla kodwa kwezinye izikhathi kuba nzima ukukwenza lokhu. Nxa impahla yakho ihlala phandle, yimbose ngelembu.