NGILOKUKHATHAZEKA, mhleli ngendlela abantu abenza ngayo amaphutha ekusebenziseni ulimi lwesiNdebele, ikakhulu izaga.
Lapha ngikhangele kakhulu isaga esithi “lidume ledlula.” Isaga lesi sokujwayelekile ukuthi abantu besisebenzise emfeni nxa bekhalelana ngokufa komuntu othize abamthandayo. Hawu bakithi! Kubi lokho.
Isaga lesi sifanele sisetshenziswe nxa kujatshulwa hatshi kukhalwa. Yebo kambe ungasisebenzisa emfeni nxa uhleka ngoba sekufe umthakathi obelohlupho kodwa-ke umbuzo yikuthi koMthwakazi, laye obeloya uyahlekwa yini nxa esedlule?
Passmore Moyo kaMalayithi,
Nhlangano Primary School,
Tsholotsho.
