uMthunywa
Nkosilathi Sibanda
INHLANGANISO yeZimbabwe Volleyball Association isiyethule umbiko wokuthi idinga abantu abangayincedisa ukuphakamisa inhlelo zayo lonyaka.
Loba umdlalo lo ungakavunyelwa, iZVA ithe ilenhlelo zayo ezilinde ukuthi zifinyelele izabelo zonke ngakho kudingeka izisebenzi ezizimiseleyo.
Kumbiko othunyelwe yinhlanganiso le, kudingwa izisebenzi kungatsha ezibalisa lezo ezizasebenza emawofisini awokuthengisa, ukuvuselela ibhizimusi, lokumemethekisa ibizo lenhlanganiso.
Inhlanganiso yeZVA ithe ukuze umdlalo uqhube kakuhle kumele ivule amathuba anje.
Ukubika lokhu kuza ngemva kokuba linhlanganiso ithe ayisoke ibuyele emuva kunhlelo zokuphakamisa umdlalo nanko ikhethe ukuthi ikhokhelwe nguMxolisi Ndlovu, oyingcitshi kulumdlalo.
UNdlovu, oseleminyaka eminengi ekhokhela umdlalo we-volleyball kungatsha ezitshiyeneyo, ungene esihlalweni ngomnyaka odluleyo kulandela ukuqhutshwa komhlangano womdlalo edolobheni leMasvingo.
Umkhokheli omutsha lo uthethe isikhundla ebesibanjwe nguRingisai Mapondera osesebenzela iZone Six engunobhala jikelele.
Ekhuluma lentatheli yephephandaba likazulu ngoLwesibili ntambama, uNdlovu uthe umlandu wakhe ngowokukhulisa umdlalo we-volleyball.
