YiNtatheli kaMthunywa
IKHANSILI ebona ngokulotshwa kwemihloliso kuleli, iZimbabwe Examination Council of Zimbabwe (Zimsec) isikhiphe impumela yemihloliso ye-Ordinary kunye le-Advanced Level ebhalwe ngoNhlangula lonyaka.
Kusitatimende esikhutshwe kunkundla ye-X sogatsha olubona ngezemfundo yePrimary leSecondary kubikwa izinga lokupasa liku-25 phesenti le-72.23 phesenti ngokulandelana.
Abafundi abangu-32 000 yibo abahlalela imihloliso kaNhlangula eyaqala mhlaka 27 Nkwenkwezi yaphela mhlaka 21 Nhlangula 2024.
Impumela yokuhlolwa kwe-Ordinary le Advanced Level kaNhlangula ikhitshwe lamuhla ekuseni eZimsec Boardroom.
Lonyaka imihloliso yabhalwa kuhle njalo akula mhloliso owaphuma okungekho emthethweni okuveza ukuthi iZimsec isibophe amabhawudo ekuvikeleni ukukhitshwa kwemihloliso okungekho emthethweni. Lokhu kwenza imihloliso yelizwe ithembakale
