Impisi ihlasela inina libalele

30 Mar, 2023 - 00:03 0 Views
Impisi ihlasela inina libalele uhlaselwa yimpisi

uMthunywa

Thokozile Mbedzi

ZILOKHU zinkemile izakhamizi zeMberengwa ngemva kokuba elinye inina lihlaselwe yimpisi emzini walo ngempelaviki.

Inina leli okungasatholakalanga ibizo lalo kubikwa belisenza imisebenzi yalo yangekhaya lize lihlaselwe yimpisi le.

Ekhuluma lentatheli kaMthunywa omunye wezakhamizi uMnumzana Tapiwa Moyo uthe balokhe benkemile ngenina leli elihlaselwe yimpisi esazi ukuthi ihamba ebusuku.

“Silapha kasila nkani, umakhelwane wethu, ongugogo uhlaselwe yimpisi libalele emzini wakhe okwethuse abantu bonke.

Impisi

“Abantu sisizwa umkhosi sizame ukuba siyeyethusela kodwa ibithi nxa ibona abantu ibagijimise ibuye ijike iyohlasela ugogo.

“Kube yisiphithiphithi abantu belokhu bephethe bezama ukuyixotsha yona ibagijimisa ibuye iyohlasela ugogo. Kuthe ngemva kwesikhatshana impisi yaqonda esibayeni sazitshela ukuba isihambile kanti kasibuzanga elangeni.

“Sathwalela  umakhelwane wethu esibhedlela lapho alokhu eselatshwa khona.

“Ngaleso sikhathi inkomo bezingakavulelwa abafana bathe besiyazivulela yathutsha futhi ngesiqubu yabaleka kwasekuthutsha omunye ubaba ofike wayigwaza kanye yahle yawela phansi,” kutsho uMnu Moyo.

“Sibe lesithuli ngoba isiga lesi senzakale emini ngoba abantu sijayele ukuba impisi zihamba ebusuku.

“Ugogo ulimele kakhulu ulalisiwe esibhedlela, ” kulandisa uMnu Moyo.      

Imizamo yokukhulumisana lesikhulumi samapholisa eNkabazwe ulnspector Emmanuel Mahoko yehlule.

Share This:

Sponsored Links

Survey


We value your opinion! Take a moment to complete our survey

This will close in 20 seconds