Uncategorized

Imiyalezo yenduduzo emdenini womlingisi

09 May, 2024 - 00:05 0 Views
Imiyalezo yenduduzo emdenini womlingisi UMpho

uMthunywa

ILOKHU inamekwe njalo ezinkundleni zokuxhumana imiyalezo yenduduzo ebhekiswe kumdeni womlingisi uMpho Sebeng ofe engozini yemota ePotchefstroom ngeSonto ekuseni.

Ukufa kukaMpho (30) kuqinisekisiwe ngumdeni esitatimendeni othe yize uyamukela imiyalezo yenduduzo kodwa ucela ukunikwa isikhathi ukuze uzame ukwamukela lezi zindaba.

Uhulumende wezwe uthe imicabango isemdenini, abangani lakubalandeli.

“Isizwe sizilele ukulahleka kobeqhakazile,” kutsho uhulumende.

Iqembu i-Economic Freedom Fighters lithe sengathi amagalelo akhe engaqhubeka lokugqugquzela lokuthuthaza abalingisi abasakhula.

“Sidlulisa amazwi enduduzo emdenini wakwaSebeng, abangani lozakwabo ngalesi sikhathi esinzima,” kutsho i-EFF.

INetflix ithe uyiphile kahle impilo yakhe futhi sengathi angalala ngokuthula.

Abemiklomelo amaSouth African Film and Television Awards bamchaze njengomlingisi obevelele futhi ezimisele.

“Ukufa kwakhe kutshiya isikhala endimeni. Sengathi umoya wakhe ungaphumula ngokuthula.”

Iqembu iPan Africanist Congress lithe ithalente lokuthanda kwakhe ukulingisa kuzohlala kugqugquzela.

Inkampani ekhiqiza imidlalo yethelevishini iQuizzical Pictures ithe ubezithobile futhi elethalente ebelilokhu lidlondlobala.

Ithe isebenze laye emidlalweni iRhythm City leSavage Beauty.

Abanye abadlulise amazwi enduduzo kubalwa iSABC, Mzansi Magic, Joburg Theatre, Showmax labanye.

Lo mlingisi udlale emidlalweni eminengi okubalwa kuyo iRing of Lies leminye eminengi.-Isolezwe

 

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds