uMthunywa
Bongani Ndlovu
KULEXHEGU leMabhada eNkayi elileminyaka engu-78 yokuzalwa elimiswe phambi komthethwandaba likhangelane lecala lokudlwengula umzukulu walo oleminyaka engu-15 okweminyaka emithathu.
Umsolwa (78) esingeke samqamba ngenhloso yokuvikela umamangala kubikwa wabizela umzukulu wakhe oleminyaka engu-15 emzini wakhe ukuthi abuye, ekufikeni kwakhe umzukulu inkundla izwe ukuthi uNcube wamdonsa ngaphambi kokuba ambambe iganyavu engalajazi lomkhwenyana.
Umtshutshisi wecala uMnu Simbarashe Manyiwa ubikele inkundla ukuba ngomnyaka ka2016 umsolwa wabiza umzukulu wakhe endlini yakhe yokukwejisa lapho afika wamdonsela endlini yokulala ngaphambi kokuba amkhiphe impahla ngodlame wasemdlwengula waphinda wamethusela ngokumbulala andubana amkhulule.
Inkundla izwe njalo ukuba umsola waqhubeka edlwengula umzukulu wakhe njalo lokhu kwaqala kumnyaka ka2016 kwaze kwafika uNhlolanja 2019.
UMnu Manyiwa ubikele inkundla ukuthi lonyaka ngenyanga kaNhlolanja umamangala wanakana ukuthi atshele umalumakhe ngayekwenziwa ngukhulu wakhe njalo umalume wasuka wayabikela unina logogo womntwana abaqhuba umntwana bayamangala emapholiseni. Umsolwa wabotshwa umamangala wasiwa esibhedlela seNkayi ukuze ayehlolwa.
Umantshi uMnu Tinashe Utawashe ngemva kokulalelisa icala leli uthole umsolwa elecala lokudlwengula umsolwa wasemtshela ukuthi kuzamele abuyele esitokisini alinde ukuthethwa kwecala lakhe.
