Uncategorized

Iminyaka 12 intandane ibotshwa ngeketane

30 Dec, 2021 - 00:12 0 Views
Iminyaka 12 intandane ibotshwa ngeketane Intandane okuthiwa ihlukunyezwa ngumamomncane wayo ebambisene logogo wayo

uMthunywa

IZIHLOBO zentombazane (16) eyintandane yakwaDengele eMtubatuba zivutha zingabaselwe zithi zifuna itholelwe usizo lwendawo yokuhlala ngokuphazima kweso.

Lokhu kuza ngemva kokuba zihlabe umkhosi ezinkundleni zokuxhumana zikhombisa ubufakazi bokuthi ihlukumezeke kangakanani le ngane okuthiwa ihlala lomamncane wayo logogo wayo.

Lezi zihlobo zifake i-video ezinkundleni zokuxhumana phakathi kweviki edluleyo etshengisa lingane ibotshwe ngeketane okwenja.

Le-video ziyithethe ebusuku ngoLwesithathu emva kokuthi le ngane itheleke emzini wazo ebusuku ngabo-10 emva kokuqamula iketane.

Kuthiwa ngalelo langa iqamula iketane bese kuphele izinsuku ezintathu ivalelwe endlini engurawondi, inganikwa lokudla.

Kuthiwa akusona isigameko sokuqala lesi senzeka njengoba ezinyangeni ezimbalwa ezedlule ike yaquleka esikolo, kwathi uma beyibuza otitsha isivukile ukuthi kwenzenjani, yathi iyacabanga ukuthi ingoba ilambile ngoba sekuphele izinsuku ezinhlanu kubo beyincitsha ukudla.

Omunye walezi zihlobo ongathandanga ukuthi igama lakhe lidalulwe, uthe: “Angikholwa ukuthi ukhona umuntu ohlukumezeka njengale ngane emhlabeni.

Angikaze ngiyibone mina ingane evele incitshwe ukudla, incitshwa abantu okufanele engabe bayayinakekela ngoba yibo izihlobo zayo eziseduze,” kutsho lesi sihlobo.

Sithi sona emva kokuthola ngalesi sigameko esenzeke esikoleni sokuquleka kwengane, sayibiza, sayitshela ukuthi ibobuya kwayo izodla, loba ngabe yini, ngoba ngabe kukangaki, asilankinga.

“Ibilokhu ikwenza-ke lokho zonke izinsuku. Langeledlule besiyigcine ngeSonto, mhlaka 19 Mpalakazi.

Kuthe uma kuqhubeka izinsuku sibona ingaqhamuki, sazibuza ukuthi ingabe yini ndaba, kanti kuzothi ngoLwesithathu ebusuku iqhamuke ihamba ihudula iketane. Yafike yaluchaza lonke udaba ukuthi ibingezi nje ngoba ibikade ibotshiwe,” kutsho isihlobo.

Sithi siyibuzile ingane ukuthi iphunyuke njani pho, yathi, ithole into ebukhali khona ngaphakathi endlini yasebenzisa yona ukuziqhaqha iketane.

Sithi sifuna ukuthi uMnyango wezokuThuthukiswa koMphakathi kulesi sifundazwe ungenele.

“Abangenele impela ngoba kungenjalo, izogcina izibulele le ngane ngendlela ehlukumezeke ngayo,” kusho isihlobo.

Siphinde saveza ukuthi ingane ilanywa ezinye ezingamawele, lazo ezihlukunyezwa ngendlela efanayo.

“Kumanje leli elinye iwele lomfana, libalekile ekhaya, akwaziwa ukuthi likuphi ngenxa yakho lokhu kuhlukunyezwa.

Yikho ngithi, umnyango awuvele uzithathe lezi zingane ziyotholelwa enye indawo yokuhlala,” kutsho isihlobo.

Okhulumela uMnyango wezokuThuthukiswa koMphakathi esifundazweni, uMnumzana Mhlaba Memela uthe sebetholile ngesigameko.

“Sithole ngaso ezinsukwini ezimbalwa ezedlule. Ithimba labosonhlakahle bethu linikele khona lafike lamthatha umntwana wayogcinwa ekhaya lezingane eliseduze.

Kodwa basaqhubeka ngokuqoqa yonke inhlobo yobufakazi obumayelana lokuhlukunyezwa kwale ngane okuthiwa kwenziwa ugogo wayo lomamncane wayo ukuze kube khona icala eliqinile elizovulwa emapholiseni,” kutsho uMemela.

Uthe ziyabakhathaza lokho izigameko zalolu hlobo ngoba uthola izingane zihlukunyezwa isikhathi eside abantu abathenjwe ukuthi bazinakekele.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds