Shingi Dhlamini
IMotty Foundation ibika ukuthi izaqhuba umqhudelwano wayo wesibili ngoMgqibelo eSaimart Stadium, Emganwini.
Kuzancintisa amaqembu ayisithupha, kukhankaselwa amalungelelo abesifazane ngokusebenzisa umdlalo wenguqu. Kumaqembu la, amahlanu ngawakoBulawayo, elilodwa ngeleHwange. Kuzadlala iRea Vaya Royals, the Young Sables Academy (Hwange), Bulawayo Galaxy FC, Newzone Academy, Street Set FC leDube Strikers FC.
UDanny Ndlovu, owasungula umqhudelwano lo uthe inhloso yabo yikutshengisa ithalenta labadlali abangamankazana edolobheni lakoBulawayo lakwezinye indawo.
Danny Ndlovu leqembu le Reya Vaya Royals
“Njengenhlanganiso sifuna ukuveza ithalenta labantwana emphakathini, sibe lendawo lapho ama-scouts angafika azohlola lelithalenta, ngesikhathi esifanayo sibanikeze ithuba lokufunda ngempilo.
“Inhlanganiso isesentsha njalo siyiqale lonyaka ngokwenza umqhudelwano wama-Under 13 siphinda lama-Under 11,” kutsho uNdlovu.
UNdlovu uthe bafuna ukuphakamisa umphakathi.
“Sikhankasa ngezemidlalo, ikakhulu inguqu. Sikwenza lokhu ngokuqoqa imidlalo njalo sihlose ekuthini siphakamise impilo zabasakhulayo.
“Kumidlalo yethu siyafundisa, siphinde sinike abadlali amacebo empilo. Okunye esikwenzayo yikuxwayisa ngezidakamizwa lotshwala.
Isiphetho…
