Imicijo ngokulima indumba

29 Oct, 2020 - 00:10 0 Views
Imicijo ngokulima indumba red kidney beans

uMthunywa

1.Ukutshisa okudingakalayo nxa ulima indumba kungaba phakathi kwe- 15 le 27 degrees Celsius.

2. Ukuvuthwa kwazo kuyatshiyana kusiya ngomhlobo kodwa kungaba phakathi kwensuku eziyi – 85 kusiya ku- 120.

3. Isilimo esigcinwe kuhle silakho ukunika umlimi amakhilogilamu angu- 500 kusiya ku- 750 kuhekitha elilodwa.

4. Indumba kumele zivunwe lapho amahlamvu azo eseguquke aba lithanga. Ungavuna ekuseni ngoba phela indumba zilakho ukuhlephuka.

UKULUNGISELELA UMHLABATHI / LOMHLOBO WOMHLABATHI

1. Umhlabathi kufuneka oyisidaka njalo olobumunyu obungange pH 5, 5 kusiya ku-6.

2. Impande kumele zitshone okwe-60cm.

3. Lima uhlakule kutshone okwe 60cm.

UKUHLANYELA LOKUGXUMEKA

1. Hlanyela emagodini atshona okwe-3cm okuzakutsho ukuthi ihekitha elilodwa lingena inhlanyelo engange 12, 5 kg. Isikhathi esilungele ukuhlanyela indumba ezomileyo yiviki yakuqala kuZibandlela lapho okuqala khona ukuna izulu elizwayo.

2. Tshiya umkhandlo ongange 10 cm phakathi kwenhlanyelo yakho le-60cm phakathi kwemfolo ukuze ucine usulezilimo ezingu-200 000 kuhekitha elilodwa.

UKUPHATHA

IPULAZI LAKHO
1.Ukhula luncintisana lezilimo ngoba lalo ludinga ukudla emhlabathi kanye lendawo yokukhula; kungakho lwehlisa isivuno ngesilinganiso esingange 25 percent. Kungakho-ke kumqoka ukuthi insimu yakho ihlale ingelakhula ngaso sonke isikhathi.

2. Hlola insimu yakho ubone ukuthi akulazibungwana. Ama-aphids, ama-bean fly, ama-bollworms kanye lama chafer beetles ayizibungwana ezijayelekeileyo kukanti i-rust, blights kanye lama anthracnose yimikhuhlane ejayelekileyo endumbeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds