Imicijo ngokulima amagwili emasakeni

01 Oct, 2020 - 01:10 0 Views
Imicijo ngokulima amagwili emasakeni

uMthunywa

Nxa usulawo amasaka okuhlanyela amagwili akho faka inhlabathi igcwale ngaphansi kwesaka lakho ufake lomquba ubusuhlanyela ke.

Faka enye inhlabathi ukuze uvale amajodo akho nje. Gcina inhlabathi yakho imanzi ubususenza isiqiniseko sokuthi uyavala lapho osokuhlume khona ngomquba.

Ungabona inhlabathi isifika phezulu kwesaka lakho sungayekela amagwili akho akhule.

Ungavuna ngokuchitha konke okusesakeni ubusudobha amagwili akho amancane.

Ukulima amagwili emasakeni kulula njalo ulakho ukuthola amagwili athe qaqa. Kumele wenze isiqiniseko sokuthi amagwili akho ahlala evalwe yinhlabathi ukuze angabi luhlaza kumbe atshiswe lilanga.

Faka amasaka akho lapho okulelanga elinengi ugcine inhlabathi imanzi kodwa hatshi kakhulu.

Hlala ukhangela ukuthi akulazibungwana ikakhulu izibungwana ezidla isilimo sakho. Ngemva kwesikhathi ungakhipha igwili elilodwa ukuze wazi ukuthi amagwili akho aphilile.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds