uMthunywa
YiNtatheli kaMthunywa
NJENGOMLIMI kumele wenelise ukubona isifuyo esigulayo ngokusikhangela nje sizihlalele loba ngokunuka ingcekeza yaso. Izibonakaliso zesifuyo esigulayo zigoqela ukuba lamehlo aweleyo, ukuphefumula nzima loba ukuhuda. Kumele utshiyane lezilugu ezigadeneyo.
Umlimi ofuyela ukuthengisa angenelisa ukuba lezilugu ezigadeneyo ezintathu nxa kulomoya oneleyo kodwa ezimbili esinye phezulu kwesinye zingcono ngoba zenza kubelula ukuthi ubone okwenzakala phakathi ezilugwini.
Kusenjalo, ababona ngempilakahle yezifuyo abakhangela kakhulu imvundla balutshwana kweleZimbabwe kungakho ukuthwala imvundla usiyabona odokotela laba kuyadula. Kungakho-ke kubalulekile ukuthi ube lendlela zokuvikela imikhuhlane eziqinileyo.
Ukugcina imvundla endaweni ehlanzekileyo lakho kungavikela imikhuhlane ngoba ingacina isidla ukudla okungcolileyo okungacina kubangela i-coccidiosis, okungaqeda isibaya nxa zingaselatshwanga masinyane. Indlela esebenzayo yokuvikela imvundla emkhuhlaneni lo yikuyigcina esilugwini esihlanzekileyo, ukuzipha amanzi kanye lokudla okuhlanzekileyo.
Amaphilisi e-sulphur yiwo asebenzayo kungaqhamuka umkhuhlane. Kumele zithole ukudla okuhle njalo okulohlonzi kanye lamanzi.
