uMthunywa
IMBUZI esilodumo eyaziwa ngokuthi Gogo izele amazinyane amane maduze nje. Iyawamunyisa ingakaphumi isiyadinga ukudla emadlwelweni.
Kodwa engakasuki ugogo uqala aqoqode emnyango ka Zandile Kuwane ongumnikazi icela isinkwa. Ukuze imbize iyakhala emnyango kumbe iwufuqe ukuze uvuleke.
Nxa uZandile engazanga emnyango iyazingenela idinge isinkwa endlini. UZandile (34) ohlala elokitshini leSoweto uthi uGogo ngenye yembuzi ezingu-12 abazifuye kulelilokitshi.
Uthe uGogo yimbuzi endala ukwedlula zonke njalo sowaba lamazinyane amanengi.
“Ugogo sowaba lamazinyane amanengi wona lawo asewaba lawawo amazinyane. Yikho simbiza Gogo. Katshoni esibayeni ngoba ulamazinyane amane okumele awamunyise njalo awondle kutsho uZandile.
