IMambazo iqhubeka nemigubho

24 Dec, 2020 - 00:12 0 Views
IMambazo iqhubeka nemigubho IZAQHUBEKA kuze kube ngumnyaka ozayo imigubho yeLadysmith Black Mambazo, ejabulela ukuhlanganisa iminyaka engu-60

uMthunywa

IZAQHUBEKA kuze kube ngumnyaka ozayo imigubho yeLadysmith Black Mambazo, ejabulela ukuhlanganisa iminyaka engu-60.

Imigubho yeqembu iphazanyiswe yikutshona komsunguli walo ekuqaleni komnyaka, uJoseph Shabalala, owatshona esesibhedlela ePitoli ngemva kokugula.

Kuphinde kwahlasela igcikwane leCorona, okwenza amalunga eqembu abuye laphetsheya kwezilwandle lapho ayekhona lemigubho eyayihlelwe eNingizimu Afrika yesulwa.

Imaneja weMambazo, uXolani Majozi, utshele leliphephandaba ukuthi imigubho izoqhubeka.

“Ukugubha iminyaka engu-60 kakufani lokugubha usuku lokuzalwa lapho owenza khona iphathi, lijabule usuku olulodwa. Ukuhlanganisa iminyaka engu-60 liliqembu yinto enkulu kabi. IMambazo njengoba yasungulwa ngoNkwenkwezi lemigubho izoqhubeka kuze kube nguNkwenkwezi womnyaka ozayo,” kutsho uMajozi.

Uthe ngabe bakude kakhulu lemigubho yabo aluba akubanga khona izingqinamba ezehlukeneyo ezibaphazanisileyo.

“Eminye imigubho sizoqhubeka layo kuze kube ngumnyaka ozayo, uma lemithetho yomvalelandlini isithanjiswa.”

NgoMgqibelo, amambazo abelekhonsathi ePlayhouse, eThekwini lapho abetshiyelana khona inkundla loMbuso Khoza.

NgeSonto langoZibandlela mhlaka 3 azoba lamanye amakhonsathi, azosakazwa kuMzansi Magic Music (DStv channel 321) ngo-5 ntambama. Uhlelo luzophathwa ngumsakazi weGagasi FM uHope Mbhele. Kuzobe kunandisa Unathi, AKA, Vusi Nova, Mondli Ngcobo, Naima Kay, Malini, Kholenso Abafana Benkokhelo labaculi beLadysmith Black Mambazo Mobile Academy.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds