IZAPHENDUKA yehlukile, njalo ingajwayeleki iHighlanders mhla idlala leBulawayo City kumdlalo wesithathu weChibuku Super Cup, kutsho umqeqetshi wayo uMandla “Lulu” Mpofu.
Umqeqetshi lo ubike ukuba okumenza abelethemba lokuthi iqembu lakhe liyayimela impi lomakhelwane ngeSonto yikuthi abadlali bakhe abane abakade belimele sebephendukile.
UMpofu wazise intatheli ngoLwesine emini ukuba uNqobizitha Masuku, Divine Mhirindira, Chrispen Ncube lo Toto Banda sebesilile njalo baqeqetsha kakuhle labanye.
Abadlali laba bebehlolwa ngodokotela ngoba belimele.
UMpofu, ekhuluma ngemva komdlalo wabo le Chicken Inn ophele nge 0-0 eBarbourfields, uthe ulethemba lokuthi abadlali bakhe abalimeleyo bazabe bekhona emdlalweni ozayo.
“Amalungiselelo ethu asekhangele kumidlalo ozayo. Okwamanje bakhona ebesingelabo asebephenduka efomini njalo balolonga kakuhle leqmbu,” kutsho uMpofu.