uMthunywa
OWAYENGUMDLALI oyincitshi elizweni le Argentina uDiego Maradona kasekho ngemva kokuhlaselwa yisifo senhliziyo emzini wakhe.
UMaradona ibesanda kuba leminyaka engu-60 ubesasila ngemva kokuhlinzwa ikhanda kumaviki amabili adluleyo.
UMongameli we Argentina usebike ukuba ilizwe lizahlala amalanga amathathu lizilele ukufa kukaMaradona.
Abadlali abanengi sebetshengise usizi ngesehlakalo lesi.
“Lala ngoxolo mngane wami, udumo lwakho luzasala lubabazwa lanxa ungasekho uzohlala usenhliziyweni zethu, uzakukhunjulwa,” kukhuluma umqeqetshi weManchester United Ole Solskjaer ku-twitter.
