IKhisimusi dololo

05 Dec, 2019 - 00:12 0 Views
IKhisimusi dololo IKaizer Chiefs

uMthunywa

BAZAYIZWA ngendaba yeKhisimusi abadlali beKaizer Chiefs abasemkhankasweni wokunqoba isicoco se-Absa Premiership ekupheleni kwesizini ka-2019/2020.

Amakhosi athe khoxo esiqongweni sengalane yePremiership ngemklomelo engu-31 ngemuva kwemidlalo engu-12.

Lokhu akubuzwa ukuthi kuqinisa ithemba kubalandeli nanko sekuphele iminyaka bayicina injabulo. Indlela iChiefs ezaqala ngayo kumnyaka ka-2020 yiyo engahle icacise ukuthi leliqembu lizayitshaya yini intambo ngoNkwenkwezi 22, okulilanga lokucina lokudlala.

Emidlalweni emibili yokuvala umnyaka, iChiefs izadlala leBloemfontein Celtic ngoMpalakazi 7 eThekwini, leMaritzburg United ngoMpalakazi 22 eMgungundlovu.

Umqeqetshi u-Ernst Middendorp uveze ukuthi alikho ikhefu eNaturena.

“Asilalo ikhefu. Siyadlala ngomhlaka 22 Mpalakazi, sibuye mhlaka 23. Nxa sizizwa kahle, sizahlaba ikhefu mhlaka 24. Emuva kwalokho sizaqhubeka ngokuziqeqetsha, akukho ukukholisa ikhefu la.

Umdlalo wethu ozalandela uzoba ngoZibandlela 4. Sizaqhubeka ngomsebenzi,” kutsho uMiddendorp.

UMiddendorp uqokwe njengomqeqetshi owenze kuhle ngenyanga kaMfumfu lakuMpandula kusicoco esibizwa ngokuthi yi-Absa Premiership Coach of The Month. Unozinti uDaniel Akpeyi udle umklomelo we-Absa Premiership Player of The Month.

Loba kubukeka iChiefs isenza kuhle, kodwa uMiddendorp utshumayele ivangeli lokuzithoba, ukungabukeli phansi amanye amaqembu.

Ngesonto eledluleyo isikhulu seChiefs, uKemiso Motaung, ukhale ngokutshaya into ephansi kweqembu ngesikhathi likhitshwa yiTeam of Choice kuTelkom Knockout.

“Uma siqala manje sizithwala sizobe sesilahlekelwe yisisekelo esizokwenza siqhubekele phambili silangazelele okungaphezulu. Uma siqala manje sikhuluma ngendlela etshengisa ukungawahloniphi amanye amaqembu kuligi sizazenzela izinto zibe nzima.

“Asikho isidingo. Wonke umuntu uma edlala leKaizer Chiefs udlalela ukuzibulala.Manje uma sesikhuluma ngokuthi kulula kangakanani lokuthi kufanele sixotshe umuntu ngoba kulomlando weminyaka engu-50 kuChiefs, akuyona indlela elungileyo. Asizithobe, sazi ukuthi sisukaphi eminyakeni edluleyo lokuthi kade sikuphi ngesizini edluleyo,” kutsho uMiddendorp.

Njengamanje iChiefs isidlale imidlalo engu-12 kanti yiyo ekhokhela phambili ngemklomelo engu-31. Lokhu kuchaza ukuthi leliqembu selivele liyidlalile imidlalo emine ye-Quarter Two futhi liyinqobe yonke, laqoqa imklomelo engu-12.  — Ubulembu

Share This:

Sponsored Links