Uncategorized

Ijaha leGokwe likhulelise umnawalo (15)

22 Jul, 2021 - 00:07 0 Views
Ijaha leGokwe likhulelise umnawalo (15)

uMthunywa

Thokozile Mbedzi
ZILOKHU zinkemile izakhamizi zesigabeni seNemangwe, eGokwe ngemva kokuba elinye ijaha limithise umnawalo.
Kubikwa ijaha leli elileminyaka engu-19 yokuzalwa lenze ihlazo lahlangana lomnawalo emacansini okubangele ukuthi acine esekhulelwe.

Ekhuluma lentatheli kaMthunywa uMnumuzana Charles Moyo oyisakhamuzi kule indawo uthe abantu balokhu betshe amathe ngesenzo sabantwana laba esilihlazo.

“Abantu abazi ukuthi bakhangele ngaphi ngalesisiga esenzakale kubomakhelwane.

“Siyazibuza ukuthi kwangena moya bani emzini kamakhelwane wethu aze ehlelwe lihlazo elingaka. “Abantwana laba bazalwa ngubaba munye behlukana kubomama,” kutsho uMnu Moyo.

Uqhubekele phambili wathi okubuhlungu yikuthi ekuqaleni umntwana lo oyinkazana wayegula kokuphela okwenza abazali baze bamhambisa kubosiyazi bethi mhlawumbe ukhona omphosileyo.

“Ihlazo leli selibangele ukungezwani emulini nanko phela umntaka mamomdala nguye osenike umntakamamomncane umthwalo.

“Ekuvakatsheleni osiyazi kubikwa kwakuvela ukuthi umamomdala nguye ogulisa umntwana kukanti qha umntwana ubesezithwele nje.

“Iqiniso lize lavela sebevakatshele omunye usiyazi owahle wathi akulalutho olubi olwenziwa emntwaneni, uzithwele kungakho-ke kabamuse esibhedlela,” kutsho uMoyo.

Esinye njalo isakhamuzi esale ukuqanjwa ngebizo sithe umfana lo ubesenza umsebenzi wokwemba igolide njalo abantu bacabangela ukuthi angabe wayesebenzisa okuzimali kwakhe ukuhuga umntwana kanye lokumyenga ukuthi benze ihlazo leli.

Uthe indaba le yabikwa kuNduna yakulindawo uNemangwe. Imizamo yokuxoxa lenduna yehlule ngoba ubephathekile ngemihlangano kwaze kwafika isikhathi sokudindwa kwephephandaba.makhalekhukhwini wayo ubengabambeki.

Share This:

Sponsored Links