Lovemore Dube
OWAKE wadla ubhedu enkundleni zenguqu kuleli, uTwyman Ncube useyamukele umbiko wokuxotshwa kwabaqeqetshi beHwange FC, esithi akubelithuba lokuthi iqembu lithathe ijiko lenguquko.
Amajaha emalahleni sokungani athwele indiri ngekhanda kuCastle Lager Premier League. Balokhe besehla osokwenze abakhokheli beqembu bamise uBongani Mafu loTry Ncube umsebenzi.
Iqembu leHwange likunombolo yetshumi lanye (11) kungalane yeligi le elamaqembu alitshumi lasitshiya galolunye (18). Ekupheleni komnyaka kuba lamaqembu amane ayehla esiyakusigaba esiphansi esaziwa ngokuthi yiDivision One.
Onguye umgcinisihlalo weHwange FC uNairos Deredzai ukufakazile ukuthi sebemise uNcube loMafu. Ekhuluma lentatheli yephephandaba likazulu ngoLwesithathu, uDeredzai uthe amajaha womabili uMafu loNcube bamiswe imisebenzi okwesikhatshana ukuze kubelenkunzi eyodwa, ebhongayo esibayeni.
Bekungani kulokungasebenzisani kuhle ngoba bebebathathu abaqeqetshi abalemfundo yebhola yaseAfrica abayithi yiCaf A. Omunye wabaqeqetshi laba nguNation Dube.
UDube nguye osele ephethe intambo.
Lanxa bekulemqondo engani ikhaliphile ngokuhlangana kwabaqeqetshi laba, akusizanga iqembu ngoba bekungani kubalengxabano ekuthini kusetshenzwe njani.
“Sesimise amajaha la. Sithe sike sibone ukuthi uNation Dube angasala ezibambile esekelwa yilaba abanye esingabaxotshanga kungabanjani.
Sithe akube loyedwa esingamkhomba ngomunwe nxa kungahambi kakuhle. Bebebanengi singazi ukuthi konakala ngaphi. UDube simuphe imidlalo embalwa ukuthi sibone ukuthi kuhamba njani singakathathi inyathela sisiyaphambili.
“Ngemuva sasilempumela esasiyikhangelele bangenzi kuhle. Kwasitshiya sikusimo sokuthi sitshintshe. Ekufikeni kubanga leli sacwayisisa okunengi sasesithi uDube kasale labanye abakade bemsekela,” kutsho umgcinasihlalo weqembu leHwange lo.
UDube uzasekelwa nguObert Moyo owayengunozinti weqembu lesizwe sonke iHighlanders FC.
Kusenjalo, iHwange ngeSonto izadlala leSimba Bhora FC khona emalahleni.
Imidlalo yempelaviki kuligi yeCastle Lager:
NgoMgqibelo:
Greenfuel FC v Sheasham FC (Greenfuel), FC Platinum v CAPS United (Mandava), Ngezi Platinum v Manica Diamonds (Baobab), Chicken Inn FC v Bulawayo Chiefs FC (Luveve), ZPC Kariba v Herrentals FC (Nyamhunga), Black Rhinos FC v Triangle United (Bata)
NgeSonto:
Hwange FC v Simba Bhora (Colliery), Yadah FC v Cranborne Bullets FC (Gibbo), Dynamos FC v Highlanders FC (Barbourfields Stadium)
