YiNtatheli kaMthunywa
UMQEQETSHI weqembu leDynamos uGenesis Mangombe usexotshiwe.
Isizatho sokuxotshwa kwakhe kubikwa sivele ekuthini iqembu lehluleka ukunqoba iBulawayo Chiefs enkundleni yeBarbourfields Stadium ngeSonto.
Ukuxotshwa komqeqetshi lo kulandela ukuphathwa komhlangano wesiphangi phangi obekhona ngoMvulo ntambama, oqhutshwe zinkokheli zeqembu. Umgcinisihlalo weqembu uMoses Maunganidze wethule umbiko ngoMvulo ebusuku ebika ukuthi uthe uMangombe utshiye umsebenzi.
Umsekeli kaMangombabe uLlyod “Mablanyo” Chigowe nguye osezaqeqetsha iqembu okwakhathesi.
Kumdlalo wokuqala ozaqeqetshwa nguMablanyo iDynamos izabe idibana leSimba Bhora. Kuzalandela lomdlalo weCAF Confederation Cup preliminary round leZesco United yeZambia
