Uncategorized

Icala kobefihle izidakamizwa esithweni sangasese

03 Oct, 2019 - 00:10 0 Views
Icala kobefihle izidakamizwa esithweni sangasese

uMthunywa

OWESIFAZANE weMsinga, eKwaZulu-Natal, uzabekwa icala lokutholakala lezidakamizwa zitshwathikwe ebuntwini bakhe eMauritius.

UNkosazana Nokuphila Mtshali (34), ubotshwe phakathi kwenyanga kaMpandula esetheswa icala lokushushumbisa izidakamizwa.

Kuvele ephephandabeni leMauritius iLexpress ukuthi uNkszn Mtshali ubefake izidakamizwa i-heroin engange -528 grammes esithweni sakhe sangasese.

Kuthiwa ubezitshaya samuntu ovakatshileyo kanti kukhona akuphetheyo.

Okhulumela uMnyango wezangaPhandle kwelizwe, uMnumzana Lunga Ngqengelele, ukuqinisekisile ukuthi bayaxhumana lomdeni kaNkszn Mtshali futhi bayaxoxa labaseMauritius.

“Siyazi ngokubotshwa kowesifazane, sikhuluma lomdeni wakhe, labasezweni abotshwe kulo,” kutsho uNgqengelele.

Uthe ngeke badalule eminye imininingwane ngalelicala okwamanje.

Isolezwe lithole ukuthi kulemizamo yokuba umdeni kaNkszn Mtshali uyembona lapho ebotshelwe khona.

Kuthiwa ube esesebenzisana labaphenyi ngaloludaba kwase kubotshwa abanye abesilisa ababili beNigeria okukholakala ukuthi ubesebenzisana labo.

Amadoda eNigeria ngu-Endubuisi Samuel Ebielonwu lo-Eze Collins.

Amapholisa aphinde atshaqa amaselula, izidakamizwa kanye lemali. Bobathathu babhekene lamacala okuhweba ngezidakamizwa kanye lokushushumbisa izidakamizwa, kanti sebevelile okokuqala emthethwandaba iBail and Remand eMauritius

Bazabhekena lecala lokuhambisa izidakamizwa, elokufaka izidakamizwa kwelinye izwe. Bazavela emthethwandaba wakhonale maduze.

Imizamo yeSolezwe yokuxhumana lomdeni kaNkszn Mtshali ayizange iphumelele.

Okhulumela iDIRCO uMnu Lunga Ngqengelele uthe, umnyango usuxhumene lomdeni kaMtshali kukanti futhi uyazi ngalesisehlakalo. 

“Sinikezele ngezinsiza zokusiza emdenini,” kutsho uNgqengelele. Lezinsiza zizakwelekelela umdeni ukuthi ukwazi ukuya eMauritius uyobona uMtshali. Uthe, umnyango uzahlala uxhumene loMtshali. 

Kubotshwa uMtshali nje, emasontweni amabili edluleyo kubuye owesifazane owayebotshwe eThailand ngokuzama ukushushumbisa izidakamizwa ezinweleni zakhe ezingama-dread. UNolubabalo “Babsie” Nobanda weGrahamstown wabotshwa egcekeni lendizamstshina iBangkok International Airport ngoMpalakazi 2011 ngezinsolo zokuzama ukushushumbisa isidakamizwa i-cocaine eyisisindo esingange 1,5kg. UNobanda ubesehlale ejele iminyaka engu-8 kwengu-15 abegwetshwe yona. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds