uMthunywa
Yintatheli kaMthunywa
IQEMBU lekhansili yakoBulawayo iBulawayo City eligiqa ibhola lenguqu kuligi ka-Division 1 kumhlubulo ongezansi yelizwe izaziyiphendulela zonke ezikuligi le nanko kubikwa selikhweze amagiya kumidlalo elandelayo.
Ngokubona kwephephandaba likazulu kumpelaviki edluleyo, kukhanya abadlali beBulawayo City sebehuba ngendlela entsha lokuthi umqeqetshi wabo uPhilani Ncube ulethemba lokuthi uzaloba imbali yokungenisa ithimu le kuligi ephakemeyo.
Ngempelaviki edluleyo abafana bakaNcube banqobe iHwange Under-20 ngokuhlohla amathathu kwelilodwa.UNcube utshayele abadlali bakhe abahlohlileyo ihlombe ababalisa uMkululi Moyo, uEddie Nkulungo, loXolisani Moyo.
“Inhloso yethu njengokubika kwethu mihla yonke yikuthi sidlalele ukuthi sifike kuligi le eyapahezulu.
Okuqakathekileyo yikunganqotshwa nxa sidlala koBulawayo.
“Ngizawadanisa amanye amaqembu. Angifuni ukuthembisa okunengi, kodwa esikuqophileyo yikuthi siphume lemklomelo yonke.”
Uqhubeke wathi : “Ayisikho ukuthi siyethusela kodwa sithi akulanto esiyesabayo nje. Ithimu yonke ekuligi le izimisele, nxa singanqotshwa kutsho ukuba asisebenzanga kakuhle. Mina ngangivele ngisebenza kuligi le ngakho angethuki. Amanye amathimu yiwo okumele esabe.”
Impumela: Black Boots 3, Old Nic Mine; Casmyn 1, Ntabazinduna 0; Hwange U’20 0, Bulawayo City 3; Nust 3, Technosphere 1; Indlovu Iyanyathela 0; Amagagasi 1; Makomo 1, Bantu Rovers 0; ZPC Hwange 1, Bulawayo Chiefs 0; Trumus 1, Mpumalanga 0.
Isimo sengalane ka-division
P W D L F A Pts
1. Bulawayo City 24 17 4 3 33 5 55
2. Bulawayo Chiefs 24 13 7 4 35 11 46
3. Zpc Hwange 24 11 10 3 24 10 43
4. Casmyn 24 12 7 5 26 19 43
5. Bantu Rovers 24 12 4 8 28 15 40
6. Technosphere 24 11 7 6 28 15 40
7. Makomo 24 11 6 7 21 17 39
8. Black Boots 24 7 12 5 24 18 33
9. Indlovu Iyanyathela 24 9 6 9 17 18 33
10. Amagagasi 24 8 8 8 19 20 32
11. Ntabazinduna 23 7 7 9 20 19 28
12. Nust 24 4 10 10 15 24 22
13. Trumus Warriors 24 4 10 10 11 18 22
14. Hwange U’20 24 4 7 13 14 30 19
15. Mpumalanga 23 2 3 18 7 41 9
16. Old Nic Mine 24 1 6 17 7 49 9
