IBosso ibizwa emcimbini

16 Feb, 2023 - 00:02 0 Views
IBosso ibizwa emcimbini Iqembu elikhulu leHighlanders liseBeitbridge lilunguselela ukuqala

uMthunywa

Nkosilathi Sibanda
ITHALENTA elisakhulayo eqenjini leHighlanders lizathi ukuthola ithuba lokuzitshengisela enkundleni ngesikhathi lincintisana lamanye amaqembu akoBulawayo kumqhudelwano weMdula Foundation.

Abadlali abasakhulayo laba, abaleminyaka engaphansi kwe-15 yokuzalwa, bazangqikilana kulumncintiswano ozaqhutshwa mhlaka 25 Nhlolanja enkundleni yeBulawayo Chiefs Village.

Kuzadlala amaqembu amane abalisa iHighlanders, iThorngrove, Thandanani leChicken Inn.
Kumdlalo wakuqala, kuhlelwe ukuthi kuzadibana iHighlanders leThorngrove.

Abaqoqi bomqhudelwano ngoLwesithathu batshele intatheli kaMthunywa ukuba loba kungasoke kube lemvuzo yemali, abadlali bazabongwa ngezipho ezibalisela amabhola lemendulo.

Ithalenta elisakhulayo le Highlanders

Ngokomthetho webhola, abadlali abasakhulayo akuvunyelwa ukuthi banikezwe imali.
“Sibika ngokuthaba ukuthi imidlalo yethu yeMdula Foundation Tournament izadlalwa mhlaka 25 kulinyanga. Sinxuse amaqembu amane, iHighlanders, Chicken Inn, Thorngrove leThandanani,” kubika abaqoqi bomqhudelwano. Imidlalo yenguqu esekelwa yiMdula Foundation isungulwe lonyaka ngumqondisi wenhlanganiso le uMduduzi Nkiwane ngenjongo yokunikeza abasakhulayo ithuba lokuthi batshengisele amathalenta abo.

Okwakhathesi uNkiwane use-United Kingdom.
Kulumsebenzi wokuthuthukisa inguqu kwabasakhulayo, uNkiwane usebenze ndawonye loSimba Rusike owake wadlalela iHighlanders, waphinda wayaqeqetsha, uKonson West owake wadlalela iThorngrove, Roy Cele loPhilip Mutsa.

Kusenjalo, iqembu elikhulu kuHighlanders selibanga emaphethelweni ohlelo lwayo lokulolonga eBeitbridge. IBosso, njengawo wonke amaqembu akuligi yeCastle Lager lilungiselela ukuvulwa kwesizini ka2023. Umqeqetshi wayo uBrito Baltemar usebike ukuba lonyaka usebenzela ukuthwala inkezo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds