Ibhakaniya liphezulu

24 Jan, 2019 - 00:01 0 Views
Ibhakaniya liphezulu

uMthunywa

UTSHUMAYELA ivangeli lokuzithoba umqeqetshi we-Orlando Pirates, uMilutin “Micho” Sredojevic, ezakhe ezingakangenelwa libhola egedini emqhudelwaneni weCaf Champions League.

IPirates inyukele esiqongweni sikaGroup B ngemva kokubhaxabula iHoroya AC yaseGuinea nge 3-0, emdlalweni wesibili wamaqoqo e-Orlando Stadium, eSoweto.

Amabhola ahlohlwe nguJustin Shonga amabili loThembinkosi Lorch. Emdlalweni wokuqala wamaqoqo iPirates idlale ngokulingana nge 0-0 leFC Platinum koBulawayo. Ukunqoba kwePirates kusho ukuthi iyalingana ngemklomelo leqembu le-Esperance yaseTunisia ehlule iPlatinum nge 2-0.

EZimnyama zihlezi phezulu ngenxa yokuthi azikahlohlwa.

“Besikade sihlele ukuthi sizobavimba bangangeni ebhokisini lethu ngoba emidlalweni edluleyo sibacubungulile sabona ukuthi wonke amabhola bawatshaya sebengaphakathi.

“Ngicabanga ukuthi lokhu sikwenze kahle ngoba abadlali benze ngendlela ebesikade sihlele ngayo yokuvikela ibhokisi lethu,” kutsho uSredojevic.

Uthe kodwa baphila ngokuthi nxa kukuhle ungajabuli kuze kweqe lokuthi nxa kukubi ungalilahli ithemba.

“Ngijabule ngokuthi umdlalo lo usibuyisele ukuzethemba lokuthi asingenelwanga libhola.

“Kodwa ngisekude ukujabula ngoba kusekunengi okufanele sikulungise njengeqembu.

“Ukunqoba lokhu sikunikeza kuPhilemon Masinga, aphumule ngokuthula,” kubeka uSredojevic. Uqhubeke wathi iqembu lakhe lizathi ukuphumula kancane anduba libambane le-Chippa leBlack Leopards.

“Ngemuva kwemidlalo le sizadlala le-Esperance kumaviki amabili alandelayo.

UMicho, odabuka eSerbia uphinde waphawula ngomdlalo wabo le-Esperance ozoba mhlaka 12 ngenyanga ezayo.

Umdlalo lo uzodlalwa ngaphandle kwabalandeli. Lokhu kungenxa yesigwebo semidlalo emibili i-Esperance esithole kunhlanganiso ye-Confederation of African Football (Caf) ngenxa yobudlova babalandeli bayo.

“Ngiyababongela ukuthi baqeda iminyaka engu-100. Lokhu akuyona into elula ebholeni lase-Afrika.

Baliqembu elikhulu, kodwa akujabulisi ukuthi bazodlala ngaphandle kwabalandeli kodwa ebholeni kunjalo, kufanele ujeziswe nxa ulecala.”

Uthe ukudlala ngaphandle kwabalandeli kuhle futhi kubi.

“Kuhle ngokuthi zizobe zingekho lezi zinto abaxhopha ngazo unozinti wethu, abadlali basemuva labanye.

“Okubi yikuthi sizodlala kusebusika obukhulu njengoba uNhlolanja kulelo uyabanda kakhulu okufana langoNtulikazi kuleli.

Ngakho kufanele siphangise sithole indlela yokuzijwayeza lesimo sezulu.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds