uMthunywa
YiNtatheli kaMthunywa
KUZABE kungabizwa ozwayo lamhlanje ntambama eNewlands Country Club, eHarare lapho inkampani enkulu kwezokukhitshwa kwembiko iZimbabwe Newspapers (Zimpapers) ezakwethula iChannel yayo entsha kamabonakude.
UMphathintambo wogatsha olubona ngezokukhitshwa kwembiko uSenetha Monica Mutsvangwa nguye okhangelelwe ukuthi abe ngumhlonitshwa kumkhosi wokuvula ngokusemthethweni iZimbabwe Television Network (ZTN) Prime.
UHead of production kuZTN, uRudo Tammy Hove, uthe iChannel kamabonakude le izabe iphuma kuDSTV Channel 294, njalo izaqala ukubonakala mhlaka 24 Nkwenkwezi.
UHove uthe iZTN Prime izabe ilenhlelo ezinengi ezithinta abantu abaleminyaka ehlukeneyo njalo bazasebenza lengcitshi ekuphekeni inhlelo ezilonhlonzi.
“I-ZTN isikhona ngemva kwesikhathi eside silungiselela. Sizaqala ukuphuma kuDSTV Channel 294 ngoLwesibili kuviki ezayo.
“Yithi esizabe sikhipha imidlalo yenguqu yakuleli eyePremier Soccer League kanye lenhlelo zabatsha. Sizabe silezinye inhlelo ezinengi ezifundisayo, ezithokozisayo, lezinye eziveza ubuhle belizwe lethu leZimbabwe.,” kutsho uHove.
Silenhlelo ezigoqela uThe Chase, imidlalo yePSL, ezomculo lenhlelo ezizathakazelelwa ngabanengi.