uMthunywa
YiNtatheli kaMthunywa
NGOMNYAKA ka-2019, umsekeli kaMgcinisihlalo weHighlanders uModern “Voltage” Ngwenya watshela iphephandaba likazulu ukuba uzenza izimanga.
Ngaleso isikhathi, kwakungacaci ukuthi uNgwenya uthini, nanko phela wonke umuntu othola isikhundla esinje uvame ukuwumana uma esethole isihlalo.
Ngemva kweminyaka emibili esesikhundleni, usekwenzile lokho akukhulumayo- isimanga senkalakatha yemali esingene eqenjini.
UMthunywa uyakubika mgceke lamuhla ukuba isivumelwano sosekelo lwemali phakathi kwe-Highlanders lenkampani ye-Sakunda siqiniswe yibudlelwano bukaModern Ngwenya, loKudakwashe Tagwirei umnikazi we-Sakunda.
Kusenjalo, kuze kwaba ngamazwi amahle kubalandeli be-Highlanders ukuzwa ukuba unozinti wabo ongukaputeni weqembu u-Ariel Sibanda usephendukile.
Unozinti lo obesebike ukuba usefulathele ithimu ngoba ayimholisi, kodwa ke, ngemva kwamalanga ambalwa, ubonakele eHarare ephelekezela inkokheli zeqembu zisiyakwamukela imali yeSakunda.
Ukungena kwenkampani ye-Sakunda kutsho ukuba abadlali beBosso bazahola inyanga zonke, okweminyaka emithathu elandelayo.
