Uncategorized

‘I-Omicron iyabulala lingayideleli’

06 Jan, 2022 - 00:01 0 Views
‘I-Omicron iyabulala lingayideleli’

uMthunywa

IHLANDLA lesine lomkhuhlane we Covid-19 (fourth wave) eliqhamuke ngenxa yokubakhona kwegcikwane lohlobo lwe-omicron variant, seliveze ukuba liyingozi kakhulu nxa sekuqathanikswa leBeta variant.

Ucwaningo olwenziwa zingcitshi zezempilakahle phakathi kwensuku ezingu-14 kusukela mhlaka 20 Mpalakazi 2021 kusiyafika umhlaka 2 Zibandlela lonyaka luveze ukuba kufe abantu abangu-235 ngenxa yobhubhane lolu nxa kuqathaniswa labangu 73 ababhubha ngasikhathi sinye lapho okwamemetheka khona ihlandla lesibili laleligcikwane (second wave).

Abantu abatholakala belomkhuhlane lo ngelanga bangu- 1 580 okwenza kube labantu abangu 22 121 kumaviki amabili nje kuphela nxa kuqathaniswa labangu-167 ababetholakala belegcikwane leli ngelanga le 2 446 kumaviki amabili ngesikhathi sekhefu likaMpalakazi ngomnyaka ka 2020.

Ngenxa yokuthi abantu abanengi bacabanga ukuthi i-Omicron ayibulali kangako lokhu sokwenze inengi lekethisa ngendlela eyingozi kakhulu.

Okwamanje elizweni leZimbabwe sokwafa abantu abangu-5 047 kubangelwa ligcikwane leli kusukela liqala kuleli ngoMbimbitho 2020.

Ingcitshi kwezempilakahle zithi isilinganiso esingange 90 percent sabantu ababulwa ligcikwane leli ngesabantu abangahlatshwanga ijekiseni yokuvikela iCovid-19.

UDokotela Agnes Mahomva ongu Chief Coodinator we Covid-19 ewofisini kaMongameli welizwe lakuKhabhinethi uthe kuqakathekile ukuthi uzulu aqhubeke elandela imilayo ayiphiwa nguHulumende ukuze kulwiswe ukumemetheka kobhubhane lolu ngoba kungenzeka ukuthi inani labantu ababanjwa lubhubhane lolu lube lulokhu lukhuphuka ngamandla.

Uthe ukuhlatshwa ijekiseni yiyo indlela engavikela usapho lweZimbabwe kubhubhane lolu.

“Okukhulunywa ngabantu ukuthi ihlandla lesine lobhubhane lolu alusingozi akusiqiniso, uma sikhangele okwenzakalayo ngoba abantu bayafa njalo izwi leli kumele lifike ebantwini,” kutsho uDkt Mahomva.

Uqhubekele phambili wathi ‘Akumelanga abantu bekethise kodwa kumele bahlale beqaphele. Umkhuhlane lo usesekhona njalo kungenzeka ukuthi inani labantu abafayo labatholakala belalumkhuhlane likhuphuke kungakho kumele sihlale siqaphele njalo senze konke okuhle kukhangelelweyo ukuthi sizivikele njalo sivikele esiphilisana labo siphinde sikuthazane ukuthi siyehlatshwa,” utsho njalo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds