I-MWOS iphakamisa uzulu

02 Feb, 2023 - 00:02 0 Views
I-MWOS  iphakamisa uzulu uPatrick Tamson

uMthunywa

NXA ilitshe lijikijelwa kuzhizhi lwabantu abasekela umdlalo wenguqu, kwandise ukuba litshaye loba ngubani obheja kulumdlalo kunkampani yeMWOS.

Ibizo elithi MWOS, iMoors World of Sport, laziwa kabanzi kulabo ababheja ngezemidlalo njalo inkampani le isikhule yaze yasiza umphakathi ngokusungulwa iqembu lenguqu.

Iqembu laziwa nge-MWOS FC njalo lizadlala kuligi esemhlubulweni ongempumalanga yelizwe. Iqembu lilesifiso esikhulu ngoba lifuna ukudlala kuPremier Soccer League ngonyaka ozayo.

MWOS FC

Ukubheja kwezemidlalo kudume kakhulu elizweni njalo kwabanye sekuphenduke kwaba yindlela yokuziphilisa nanko phela abanye bachitha usuku lonke bebheja.

Abanye bayanqoba, abanye bayehlulwa.

Ekhuluma lentatheli yephephandaba likazulu, ngoLwesibili emini, umongameli weqembu uPatrick Tamson uthe inhloso ikuligi ephakemeyo.

 

“Inhloso yethu enkulu yikunqoba isicoco lokuya kuPremier Soccer League,” kutsho uTamson.

“Ngeke sicine lapho ngoba sifuna Lokudlala ibhola kuzinga lemidlalo yeCAF Champions League (Confederations of African Football Champions League competition)”.
Iqembu lilethemba lokuthi lizaqhubeka ngokusebenzisa inkundla yeNgoni Stadium eNorton, elungiswayo okwakhathesi.

“Ngeke sikhangele abadlali bePremier Soccer League. Linengi ithalenta kumaligi aphansi futhi sifuna ukuqhubeka ngokusekela ngemali abadlali abasakhulayo,” kutsho uTamson.

I-MWOS FC ikhethe uWonder Ngoko, owayengumdlali weCAPS United leBlack Aces, njengomqeqeshi wayo omutsha.

Share This:

Sponsored Links

Survey


We value your opinion! Take a moment to complete our survey

This will close in 20 seconds