I-HERENTALS ITHI WOZANI EKILASINI

16 May, 2019 - 00:05 0 Views
I-HERENTALS ITHI WOZANI EKILASINI uPrince Dube

uMthunywa

Nkosilathi Sibanda

USUKU lokudibana leHerentals luyethusa kuqembu leHighlanders nanko phela leqembu elisakhula iHerentals liyakloloda, lithi lizabuyisela esikolo ekaMatshobane.

Umqeqetshi “wabafana besikolo” uKumbirai Mutiwekuziwa uthe kasoze ayizwele iBosso ngoba laye ufuna ukungena kumbali yabaqeqetshi asebeyitshayile kulisizini.

“Akufani lokudlala leqembu elincinyane nxa udlala leHighlanders. Umkhulu lumdlalo. Engingakutsho yikuthi abafana bami bazafundisa abafana beBosso ibhola. Nxa kusitsho ukuthi babuyele esikolo, yikho lokho,” kutsho uMutiwekuziwa ekhuluma loMthunywa kuliviki.

I-Highlanders ayikanqobi kumidlalo eyisikhombisa. Izethekeli zayo ngeSonto sezinqobe zamisana lamaqembu amakhulu ngokuvulwa kwesizini.

Umqeqetshi weBosso uMadinda Ndlovu wabika ukuthi usecitshelwe ngoba useqede wonke amaqhinga kodwa kuyala ukuthi igedi libonakale.

Kulandela ukubhaxabulwa 3-0 yiChicken Inn, umdlali weHighlanders uPrince “Mgadafi” Dube uguqe phansi wabika ukuthi laye usephelelwe.

Ukhiphe umbiko odanisayo kukhasi lakhe le-Twitter @princemgadafi wathi: “Ngiyabonga muli yeBosso. Hayi akuhlangani. Nkosi sesikhale kakhulu ngenela.”

Ebuzwa ngokugcweleyo liphephandaba likazulu uDube uthe iHighlanders izaphumelela kumidlalo ezayo.

Kulumdlalo, ngokutsho kukaDube, iBosso idinga ukuthi ingene eMagumeni ihlomile.

“Akulaqembu elingathi liyazi mhlophe indlela esitshova ngayo. Ithemba ngilalo ukuthi sizaphumelela kulisizini,” kutsho umdlali lo odume ngelithi “Mgadafi” enkundleni.

NgoMgqibelo:

-Bulawayo Chiefs vs Dynamos (Barbourfields Stadium)

-FC Platinum vs ZPC Kariba (Mandava Stadium)

-Black Rhinos vs Hwange (NSS)

-Harare City vs Triangle United (Rufaro Stadium)

-Ngezi Platinum vs Yadah (Baobab Stadium)

NgeSonto:

-Highlanders vs Herentals (Barbourfields Stadium)

-CAPS United vs Mushowani Stars (NSS)

-Chapungu vs Chicken Inn (Mandava Stadium)

-Manica Diamonds vs Telone (Gibbo Stadium).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds