uMthunywa
Wayne Ncube
ABALIMI sebekhuthazwe ukuba balime i-coffee ngoba ilomkambo omkhulu elizweni njalo kayihluphi ukulima.
Ekhuluma loMthunywa uMnumzana Jabulani Ncube oyingcitshi kwezokulima kunkampani yeSeedCo uxwayise abalimi ukuba balime i-coffee ngoba iyalimeka njalo ilomkambo omkhulu eZimbabwe.
“Kudingeka umhlabathi onjani ukuze umlimi aqale ukulima i-coffee? Isilimo lesi singalinywa emhlabathini eminengi eyehlukeneyo kodwa ikakhulu umhlabathi oyisibomvu loba ongathi uyisidaka.
“Ukuze izihlahla ze-coffee zikhule kudingeka ukuba umhlabathi wakhona ugcine amanzi okwenza isidaka esiqinileyo singavumi,” kulandisa uMnu Ncube.
Izihlahla ze-coffee zidinga ukunakekelwa langemvundiso ikakhulu ukuze zikhule masinyane, njalo ukwakheka komhlabathi okulinywa kiwo i-coffee kulomutsho ekunambithekeni kwe-coffee angayivuna. Insimu eyodwa singanika umlimi i-coffee enambitheka okwehlukeneyo.
“Ukukhula kwe-coffee kubangelwa yikutshisa kwendawo okungaba yi-18-20 degrees ikakhulu, ukuze abalimi bethole i-coffee emnandi engathandwa emkambo.
“Umkambo we-coffee umkhulu ngokubona amankampani eseyenza amanamunede apha amandla afana le Switch, i-caffeine etholakala phakathi kwe-coffee yiyo kanye lobunandi okwenza umlimi angathola khona inzuzo enhle,” kuchaza uMnu Ncube.
Uphethe ngokuthi abalimi kabaqaphele ngoba ukulima lesi silimo abalimi abanengi abakwejayelanga ngakho kuqakathekile ukuba badinge ukuncediswa ngolwazi lwe-coffee.
“Ulwazi lobucwephetshe kwezokulima i-coffee buyadingeka ukuze umlimi abe lesiqiniseko sokuba lesivuno esikhulu,” kuphetha uMnu Ncube.
