uMthunywa
YiNtatheli kaMthunywa
ABADLALI besizwe kuzamele baqhubeke belindile andubana baqalise ukulolonga kulandela isinqumo seCaf sokudlulisela phambili umqhudelwano weAfcon obekumele uqhutshwe ngomnyaka ozayo kunyanga kaZibandlela ngomnyaka ka2022.
Umqhudelwano lo bekumele ubekhona ngomnyaka ozayo ngoZibandlela elizweni leCameroon.
Kodwa, ngenxa yokungacaci ukuthi labo abazanqoba bazaphathwa njani ngesikhathi seCovid-19, inkokheli zeCaf zinqume ukuthi umqhudelwano lo udluliselwe phambili.
Kwenziwe njalo lesinqumo sokwesula umqhudelwano wabesifazana weAfcon.
Umqhudelwano lo wona bekumele uqhutshwe ngoLwezi elizweni leRepublic of Congo.
Ilizwe leZimbabwe lilamaphuzu amane kumqhudelwano wokungena kumincintiswano yeAfcon kulandela ukuba ngutshiki lobhanqa ngesikhathi idibene lelizwe leBotswana kanye lalapho eyanqoba idlala kweleZambia.
