Hlakulelani izilimo lifake lefethalayiza

25 Feb, 2021 - 00:02 0 Views
Hlakulelani izilimo lifake lefethalayiza

uMthunywa

Thokozile Mbedzi
INHLANGANISO ebona ngezokulima eyeAgricultural Extension isikhuthaze abalimi kundawana zonke zelizwe ukuthi bahlakulele izilimo zabo njalo bafake lefethalayiza ukuze izilimo zabo zingabulawa ngamanzi.

UDistrict Agritex Office uMnumzana Masauso Mahocha uthe ukuhlakulela izilimo kubalulekile kakhulu njengoba ukhula nxa izulu lisina lalo luba lunengi emasimini okungenza izilimo zicine zincintisana lalo.

“Izilimo zingekela ukuhlakulelwa ngeke zinike abalimi inzuzo abayikhangeleleyo kungakho sibakhuthaza ukuthi bahlakule emasimini njalo bafake ifethalayiza ye-top yona ezancedisa ukuthi izilimo zabo zingatoti ngoba izulu linengi lonyaka.

“Abalimi bangahlakulela izilimo zabo bafake lefethalayiza bazathola isivuno esihle ngoba bangekela ukwenza lokhu kungaphenduka kube bomvu emasimini balahlekelwe yisivuno,” kulandisa uMnu Mahocha.

Uthe ukhula lwenza izilimo zingatholisi umlimi isivuno asikhangeleleyo.

Uqhubekele phambili esithi lonyaka kundawana zonke zelizwe izulu liyana ngakho ukudla okunengi kuyalahleka ngokuba okunye kuyageleza ngamanzi ngoba manengi kucine kusenza izilimo zingasatholi ukudla okweneleyo.

“Abalimi bangafaka ifethalayiza ye-top izancedisa izilimo ukuba zithole ukudla okweneleyo njalo zikhule kuhle umlimi athole isivuno esihle.

“Kulemihlobo emibili ye-top fertiliser abalimi abangayisebenzisa i-Ammonia nitrate le-uria.

“Amafethalayiza la ale-nitrogen eyenza izilimo zikhule kuhle umlimi athole inzuzo. Abalimi lokhu kumele bakuqakathekise kakhulu ukuze isivuno sibephezulu njengoba kulezulu elinengi,” kuphetha uMnu Mawocha.

Share This:

Sponsored Links