Uncategorized

Habe! Indoda (50) idlwengula isalukazi (84)

30 Mar, 2023 - 00:03 0 Views
Habe! Indoda (50) idlwengula isalukazi (84)

uMthunywa

Blessing Moyo

KUSIGA esihlasimulisa umzimba kulendoda eleminyaka engu-50 eyesigabeni seLunka eLupane ngaphansi kwenduna uMabhikwa emiswe phambi komthethwandaba isetheswa icala lokudlwengula.

Kubikwa umetheswacala wakhandwa esenza amanyala la wanganyikinyeki waze wadonswa ukuze acine esekela ihlazo leli.

Umtshutshisi kuleli icala uZandile Ndebele ubikele inkundla ukuthi mhlaka 26 Mbimbitho ngehola lesitshiyagalo lunye ebusuku uThabani Tshuma oleminyaka engu-50 yokuzalwa wangena endlini kamamangala oleminyaka engu-84 yokuzalwa wafika wakhipha impahla zakhe zonke wasemdlwengula.

Umamangala wezwakala ekhala ngumalukazana wakhe onguye owabikela omakhelwane ababambana baba bathathu baphuthuma besiya kumamangala, ekufikeni bathola umetheswacala elokhu ephezulu kukagogo baze bamdonsa yikho ukuthi acine esesukile phezulu kukagogo.

Indaba le yabikwa emapholiseni umetheswacala wabotshwa elokhu esendlini kamamangala.

Umantshi uNkosazana Karen Jeffery kazange aphe umetheswacala ithuba lokuzikhulumela kodwa icala lidluliselwe kumthethwandaba weHwangwe Regional. Uphinde njalo umantshi waxwayisa umetheswacala ukuba abhalele emthethwandaba weHigh Court ukuze athole ibheyili.

Share This:

Sponsored Links

Survey


We value your opinion! Take a moment to complete our survey

This will close in 20 seconds