Giya Mthwakazi: Uqoqo lwezinkondlo

07 Oct, 2021 - 00:10 0 Views
Giya Mthwakazi: Uqoqo lwezinkondlo

uMthunywa

Indikimba – Ezokufa
Imbongi nguNdabezinhle S Sigogo
Isihloko senkondlo – Akubongwe ukufa

Ukufa yinto eyesabekayo ebantwini. Imbongi eqanjwe ngaphezulu uSigogo uthi akubongwe ukufa. Umbuzo abantu abangabalawo yikuthi ibongwa njani into eyesabeka njengokufa? Akujayeleki ukufa ngoba yinto elusizi.

Siyakubona lekuqaleni kwale inkondlo imbongi iyasitshela ukuthi bayalila abantu emakhaya abo. Ukulila yikukhala okukhulu njalo imbongi ithi bakhala isililo esingayikuphela ngoba khona ukufa ikwenza samuntu imbongi ikubiza isithi ngumfokaSokufasonke.

Kufikile ukufa lokhu kungabizwanga. Kwabiza izihlobo zalababantu kwazithatha kwahamba lazo khonale kibo lapho thina esingazi khona.

Ngenxa yezenzo zakho lezi ukufa abantu bezizwe zonke bakuthukile ngazo zonke izinhlamba zakibo. Zimbi lezo nhlaba izizwe zonke ezikuthuke ngazo ukufa okokuthi aluba ziyabulala inhlamba khona Kufa aluba akusekho emhlabeni.

Aluba kade kwadliwa ngamagenga wona adla bonke lababantu ukufa okuwapha khona emini lebusuku.
Kumangele ukufa khona okuyinzalo kaKufa njengoba ngitshilo ngaphambilini ukuthi ukufa kwenziwa samuntu kulinkondlo.

Ukufa lokhu kumangalisa izizwe zabantu ikakhulu lezi zaseAfrika ngoba omimoya yazo kayimhlaba —  iselizweni elaziwa ngumoya lapho okulabokhokho bazo khona bona abayibo ezibakhonzayo.

Imbongi iyaveza ukuba ukufa kwazalwa khona kungabonwa ngelihlo. Luzalwa ngulowo owakuzalayo, wakulaya wathi kuyindlela.

Indlela yokuya emaweni khona okuhlala khona okhokho babantu wathi kuzobathatha abantu batshiya lezo nsizi abakhala ngazo. Iyagcizelela imbongi ithi abantu abakubonge webakaKufa ngoba kubethule imithwalo enzima.

Ukufa kukopole imimoya yabo kubo kuyikhupha ngenhlungu zezifo njengoba bekhupha igolide ematsheni ngemililo encibilikisa izinsimbi zizezibelihiqa eligelezayo.

Iyaqhubeka imbongi ithi abantu kabakubonge bakubabaze ukufa ngoba kuyikho kodwa emhlabeni wabo okwaziyo ukuthatha imimoya yabo kuyise elizweni eliphakade lapha okwaya khona oyisemkhulu lazo zonke izizwana zendulo.

Lapho koya khona izizukulwana zonke. Imbongi ithi ikubukile khona kaKufa ngoba kubathandile abantu lazo zoke izidalwa zomhlaba. Ikuthande kusukela ngosuku okwazalwa ngakho ukufa.

Kuthiwa ukufa akusukanga emakhaya abantu lasemagangeni uhlala sanyamazana.

Vikela ubhubhane lweCovid-19 gokuhlala uhlanzekile ufake isayeke sakho.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds