Gcinani inkomo elenelisa ukuzipha ukudla

04 Apr, 2019 - 00:04 0 Views
Gcinani inkomo elenelisa ukuzipha ukudla

uMthunywa

Edson Khumalo

ABALIMI baselizweni lonke jikelele bakhuthazwa ukwehlisa inani lezifuyo zabo lisale kuyilelo umlimi azakwenelisa  ukulinika ukudla njengoba izulu libe lilutshwana.

Ekhuluma lentatheli kaMthunywa uMnumzana Cosmas Muzunde uLivestock Specialist wesabelweni seMatabeleland North ukhuthaze abalimi ukugcina inkomo ezigcineka lula.

“Abalimi kumele bakhangele inani lenkomo abalazo baqede balehlise  lifike kunani lenkomo abazakwenelisa ukulipha ukudla.

“Nxa inani selehlile kumele babone ukuthi bayazidingela ukudla okwaneleyo,” kutsho uMnu Muzunde.

Intatheli izwe ukuthi inkomo ezingasangenisi imali kumlimi kumele zithengiswe ukuze  kuthengwe ukudla kwenkomo kanye lemithi yalezo ezinganika umlimi inzuzo.

UMnu Muzunde uphinde wakhuthaza abalimi ukudingela inkomo zabo ukudla okuhlala kukhona okunjengotshani obutholakala emigwaqweni.

“Utshani obutholakala egangeni lasemgwaqweni abalimi kumele babusike babugcinele inkomo zabo kusase lesikhathi ngoba yikudla okuhlala kukhona njalo kumele benze lokhu kungakabi khona umuntu otshisa iganga ethi ufuna ukuzingela,” kuchaza uMnu Muzunde.    

UMnu Muzunde uphinde wengezelela  esithi ukusikela inkomo utshani kuyazinceda kakhulu langesikhathi esinzima somnyaka ekuthini ziyabe zilakho ukudla.

Uphethe ngokukhuthaza abalimi ukuthi babambane ukuze baphumelele.

“Isandla esisodwa angeke senze umsebenzi wonke, abalimi kababambane ekusikeni utshani, omunye engabuya lethalakitha yokusika utshani omunye laye abuye mhlawumbe lokokuthwala lobotshani, ngaleyondlela umsebenenzi uyahamba,” kuphetha uMnu Muzunde.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds