Uncategorized

‘Gcinani idolobho lihlanzekile’

22 May, 2023 - 16:05 0 Views
‘Gcinani idolobho lihlanzekile’ ‘Gcinani idolobho lihlanzekile’- EMA

uMthunywa

Thokozile Mbedzi

ABE-ENVIRONMENTAL Management Agency (EMA) sebecebise izakhamizi zakoBulawayo ukuthi zigcine idolobho lihlanzekile ukuze zenqabele ukumemetheka kwemikhuhlane.

Lokhu kuvele ngesikhathi i-EMA iqhuba umsebenzi wokuhlanza idolobho ibambisane lezinye ingatsha zikaHulumende, osomabhizimusi lomphakathi, kumaviki amabili edluleyo.

Uhlelo lokuhlanza indawo zomphakathi lwenziwa ngoLwesihlanu lwakuqala inyanga zonke njalo lwasungulwa nguMongameli welizwe u-Emmerson Mnangagwa ngoMpalakazi ka2018.

Kulinyanga, koBulawayo kuhlanzwe indawo eziphakathi kwezitalada zika George Silundika Street, 4th Avenue kusiya fika ku-6the Avenue.

‘Gcinani idolobho lihlanzekile’- EMA

 

Esethula amazwi kaMphathintambo kaHulumende okhangele ngokwenzakala koBulawayo, uJudith Ncube, umqondisi wenhlelo zemali ehofisini le, uMnumzana Simon Sawunyama uthe ukuhlanzeka kuyingxenye yempilakahle kazulu.

“Ilanga lokuhlanza indawo esihlala kuzo liqakathekile njalo kumele sonke senze ngokufaneleyo ukuze sigcine idolobho lethu lihlanzekile. Ukuhlanzeka akube yinxenye yempilo zethu,” kutsho uMnu Sawunyama esethula umbiko kaMphathintambo uNcube.

“UMongameli welizwe wasungula ilanga leli ukuba lilandelwe ngoLwesihlanu lwakuqala nyanga zonke, kusukela ngehola lesitshiya galombili kusiyafika eletshumi ekuseni.

Wonke umuntu lenhlanganiso ezitshiyeneyo ziyacelwa ukuba ngelanga leli zibe lomlandu wokuba ziphatheke ekuhlanzeni indawo ezitshiyeneyo. Kungaba semahofisini kumbe ezindlini. Kasizameni ukuthi siphatheke kulokhu. Yikho ukuthi sibe lempilakahle  nxa indawo zethu zihlanzekile.”

Uncome i-EMA ngokuqhubekela phambili isekela uhlelo lolu.

“I-EMA yenza umsebenzi omuhle wokubambisana loHulumende lenhlanganiso ezitshiyeneyo ukuphathisa uzulu kundlela eziqondileyo zokuhlanzeka lokususa  ingcekeza. Indlu ngendlu kumele ibe lamabhimu amabili. Konke lokhu sikufundiswe yi-EMA. Siyabonga.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds