Fuyani imbuzi zochago

07 Mar, 2019 - 00:03 0 Views
Fuyani imbuzi zochago

uMthunywa

Bongani Ndlovu

ABABONA ngezifuyo abeLivestock Production  bakhuthaza abalimi ukuthi bafuye imbuzi zochago ngoba uchago lwembuzi  luyadlisa.

Ekhuluma loMthunywa uMnumzana Cosmas Muzunde  onguLivestock Specialist esabelweni seMatabeleland North uthe abalimi kabafuye imbuzi zomhlobo wochago ngoba uchago lwembuzi lulebhizimusi elihle.

“Ngomkhonomi welizwe abalimi kumele bahlakaniphele ukufuya izifuyo eziletha imali enhle ukuze benelise  ukuziphilisa. 

“Imbuzi yizifuyo eziletha imali enhle ngesikhathi esincane ngoba ziyaphangisa ukwanda. Abalimi abafuna ukuba lebhizimusi ephangisa ukukhula njalo elenzuzo enhle kabafuye imbuzi zochago.

Ubuye walandisa esithi umkambo wochago lwembuzi ubanzi njalo luchago oluhlabusayo ebantwini.

“Uchago lwembuzi lusetshenziswa ekwenzeni ukudla okwehlukeneyo okugoqela amasi, i-cheese kanye lokulusebenzisa lunjalo okuyikho okwenza ukuthi umkambo walo ubebanzi njalo ubemuhle,” kuchaza uMnu Muzunde.

Ekhuluma ngokugcinwa kwazo uthe njengenkomo zochago imbuzi zochago lazo zidinga ukudla okufanele umzimba kanye lamanzi amanengi ukuze zenelise ukwehlisa uchago olunengi. Okunye njalo akusilocebo elihle ukuhlanganisa imbuzi zochago lezinye izifuyo ngoba kumele ziphephe emikhuhlaneni,” kuphetha uMnu Muzunde.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds