Enkundleni: Amhlophe!

06 Jun, 2019 - 00:06 0 Views
Enkundleni: Amhlophe!

uMthunywa

Vusumuzi Ndlovu

BALANDELI bephephandaba likazulu ngithemba ngilithola lifudumala phakathi kwekhaza leli eseliqalile, silethulela imininingwane yemibiko  njengenhlalayenza enkundleni yenu maviki wonke kuphephandaba likazulu. 

Kuliviki siphosa ilihlo jikelele sibuka imisebenzi yenzalo yethu  kusukela kwabalapha, kusiya kwabasemazweni agombolozeleyo bephakamisela ifulegi yethu phezulu ngemisebenzi yabo.

Ngeviki edluleyo bekulomthimba omkhulu phetsheya kukaLimpopo lapho okunconywe, kwakhethwa njalo kwanqoba intshantshu zomculo ku Sama25. Kube kuhle ukwazi ukuba abakithi labo babekhona abaphathisa kuzingoma lamadlalade athile alabo baculi.

UBekezela waxhasa uCandy kudlalade lakhe eliphume ngomnyaka odluleyo elinqobe  iBest Traditional Album njalo wahambisana laye uCandy besiyathatha leso sicoco.

Ekhasini lakhe lobulembu, uBekezela ubonge bonke abasekelayo lokulandela imisebenzi yakhe, njalo wabonga lethuba lokuba kumsebenzi lowo etshengisela lenjabulo. UBekezela wanqoba iSong Of The Year yeRoilBAA18, njalo wakhipha lengoma entsha uNyakaza.

Sisalapho kumaSama25, uDylan Dondo odume ngegama uDiliza, wasebenza kudlalade lika KingDonFather2018 elinqobe iBest Kwaito/Gqom/Amapiyano.

UDiliza uphose eyakhe imizwa yentokozo  esenza amhlophe ngemva kokunqoba kukamqondisi, umculi njalo elilunga leqembu leTrompies leKalawa Jazzmee  Records, uMandla Spikiri.

UDiliza emveni kokuphumelela ngezakhe ingoma ezifana labo Umcimbi, loShaker Mntwana, usaqedisa eyinye imbabazane  yakhe yengoma ethiwa Ongenamali. Asazi ukuba lingoma imumetheni kodwa sizayicela isivuthiwe kujaha leqembu Stiff owaseLuveve.

Sisakhuluma ngeLuveve, sitshayela u Cal_Vin izandla ngomsebenzi omutsha osuphumile. UCal_Vin ukhiphe idlalade elitsha uIntwana KaManax eliphume ngeviki edluleyo eleqembu lakhe leKontrol Tribe njalo liphekwe kunkampani yakhe iVolteFace Records. 

Siseqela nje eduze komngcele uKBrizzy useqalile imisebenzi yakhe engena u2019 ngengoma ezaphuma emavikini alandelayo ethiwa nguGuala Guala. Asikabi lemibiko egcweleyo ngalingoma ngoba isasetshenzwa amabanga okucina njalo sizalazisa nxa isiphumile.

UKBrizzy udume ngengoma uDiablo  njalo wakhethwa kuzicoco ezimbalwa kuleli ngomnyaka odluleyo. 

Sibuyela nje ekhaya ngizatshayela ihlombe uAsaph osungule ividiyo yengoma yakhe uVIC (Vibe Is Correct).

Lividiyo nje lithakazelela ubuciko bamagama kaAsaph njalo lenzelwa endaweni ezehlukeneyo koBulawayo exhaswa ngabanye abafana lo Vic Jita, Mr. Lit, Ganyaz Jr  labanye. UAsaph useledlalade elitsha elithiwa nguThe People’s Rapper lapho okugoqela lingoma (VIC), uMambo lezinye.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds