Leonard Ncube
KUBELOKUNQINDANA okuzwayo edolobheni leVictoria Falls ngempelaviki edluleyo.
Bekuhlangene abasahlumayo kulumdlalo abaphose bafike ikhulu kumqhudelwano obuqoqwe yiVictoria Falls Boxing Academy.
Abaqoqi bomdlalo lo bebebuthanise abadlali belenjongo yokukhetha intshantshu ezizayamela ilizwe kumncintiswano weNelson Mandela Cup, edolobheni leDurban eSouth Africa.
“Imidlalo le ibiqoqelwe ukuthi kukhethwe iqembu elizamela ilizwe kuNelson Mandela Cup ezabakhona kunyanga ezayo njalo lemidlalo yabasakhulayo ezabakhona ngoLwezi. Sibelemidlalo engamatshumi amane lasithupha (46) ngoba besilabadlali abangu-92.
Kubelabangamatshumi amabili esisele sikhangelele ukuthi bangamela ilizwe,” kutsho umphathi wezenqindi uStephen Masiyambumbi.
Uthe balomkhankaso wokuthi bathole imali yokwenelisa ukuya kumidlalo ezayo. Ukhalaze kubosomabhizimisi lakuHulumende ukuthi baphathise.
Abadlale okukhwabithekayo nguCalvin Taliyana, Melusi Chigango, Lenox Chigango, Wayne Ncube, Mqhele Moyo, Glorious Moyo, Proud Phiri, Nkosiyazi Munenge, Michael Bazaya, Emmanuel Mlotshwa, Tafadzwa Nkiwane, Godknows Masina, Lwazi Mpofu, Vimbainashe Murandu, Zvikomborero Chamere, Nyasha Phiri, Julaykah Balakazi, Tinotenda Nyatsunga loMandlenkosi Marusenga.
